2020 වසරේ මාර්තු මස ඉදිකිරීම් ඇරඹි කර්මාන්තශාලාව සඳහා සිදු කෙරුණු ආයෝජනය ඇමරිකානු ඩොලර් මිලියන 100කි. අක්කර 63ක භූමි භාගයක අති නවීන පහසුකම්වලින් සමන්විත මෙය දකුණු ආසියානු කලාපයේ විශාලතම සිමෙන්ති නිෂ්පාදන ආයතන කිහිපය අතරට එක් වේ. කර්මාන්තශාලාවේ වාර්ෂික නිෂ්පාදන ධාරිතාව මෙට්‍රික් ටොන් මිලියන 04ක් වන අතර පළමු අදියර යටතේ මෙට්‍රික් ටොන් මිලියන 2.8ක් දේශීය වෙළෙඳපොළට සැපයේ.

මෙම ලංවා සංස්ථා සිමෙන්ති කර්මාන්තශාලාව සාමාන්‍ය පොර්ට්ලන්ඩ්, පොර්ට්ලන්ඩ් කොම්පසිට් සහ බ්ලෙන්ඩඩ් හයිඩ්‍රොලික් ඇතුළු සිමෙන්ති වර්ග සියල්ල නිෂ්පාදනයට ද සැලසුම් කර තිබේ. මෙමගින් නිෂ්පාදන කටයුතු පුළුල් වීමත් සමග මෙරට සිමෙන්ති අවශ්‍යතාව දේශීයව සපුරා ගැනීමට හැකි වෙතැයි රජයේ අපේක්ෂාවයි.

දකුණු ආසියාවේ දුර්වලම ආර්ථිකයක් සමග භාරගත් රට සියලු අභියෝග හමුවේ පෙරට ගෙන යමින් රටට අවශ්‍ය සියලු දේ දේශීයව නිෂ්පාදනය කරගැනීමේ වගකීම රජය භාරගනිමින් ඒ සදහා මේ වන විටත් මෙවන් සංවර්ධන රැසකට රට ගෙන ගොස් ඇත. එමෙන්ම මෙතෙක් රට තුළ පැවති ආයෝජන කලාප සංඛ්‍යාව 14කි. 2024 වර්ෂය අවසාන වීමට පෙර නව ආයෝජන කලාප 11ක් ස්ථාපිත කිරීමට රජය අපේක්ෂා කරයි. මෙවන් සාධනීය තීන්දු තීරණ ගනිමින් අපනයන ආර්ථිකය ඉහළ නංවමින් දේශීය ආර්ථිකය ශක්තිමත් කිරීමට රජය කටයුතු කරමින් සිටීම අගනේය..

-පංචාලි