ආචාර්ය ආර්. සමරතුංග මහතා මුදල් අමාත්යංශ ලේකම් වරයා ලෙස කටයුතු කරන සමයේදී මහ බැංකු අධිපතිවරයා ලෙස ආචාර්ය ඉන්ද්රජිත් කුමාරස්වාමි කටයුතු කළ අතර මුදල් අමාත්ය වරයා ලෙස මංගල සමරවීර වගකීම් උසුලන ලදී. මෙම පුද්ගල ත්රිත්වයේ මනා සංයෝගය විසින් අයාලේ ගිය ආර්ථිකය යළි නිවැරදි මාවතට ගැනීමට එදා හැකිව තිබිණි.
එහිදී ආචාර්ය සමරතුංග මහතාගේ භූමිකාව අතිශයින්ම වැදගත් තැනක තිබුණු අතර කිසි ලෙසකින්වත් වැරදීම් සිදු නොවීමට ඔහු වග බලා ගත් විශිෂ්ට රාජ්ය පරිපාලන නිලධාරියකු ලෙස සියලු දෙනාගේ ගෞරවයට පාත්ර වන ලෙස ඔහු කටයුතු කර තිබිණි.
වත්මන් අර්බුදකාරිත්වය හමුවේත් ඔහු විශ්රාමික රජයේ සේවකයකු වූවත් රටට ඇති වගවීම ප්රකට කරමින් පසුගිය කාලය පුරාම ආර්ථික ක්ෂේත්රයට සම්බන්ධ නිලධාරීන්, බලධාරීන් සහ දෙස් විදෙස් ආර්ථික විශේෂඥයන් හමු වෙමින් රටේ ආර්ථිකය නිවැරදි මාවතකට ගැනීම වෙනුවෙන් නිහඩ සහ සක්රීය සේවයක යෙදුනු අයෙකි. එහෙත් ඔහුගේ උපදෙස් හෝ පිළි නොගැනීමට වගකිව යුතු පාර්ශ්ව කටයුතු කර තිබුණේ නැත. එසේ නොවන්න අද මේ මුහුණ දෙන බරපතල තත්වයන් ඇති නොවන්න ඉඩ තිබිණි.
රාජපක්ෂ රෙජීමය අනුගමනය කළ වැරදි ප්රතිපත්ති මත වත්මන් අර්බුදය ඇතිවීමට පෙර සිටම විය හැකි අනතුර ගැන මනා වැටහීමක් ඔහුට තිබිණු බව ඔහු ඇසුරේ සිටි අය හොඳින්ම දන්නා කරුණකි. එසේම මෙයට විසඳුම කුමක්ද යන්න ගැනත් පැහැදිලි අවබෝධයක් සහිත ආර්ථික විශේෂ්ඥයකු ලෙසත් ඔහුව සැලකේ.
මේ අනුව අගමැතිවරයා පත් කළ මෙම කමිටුවේ ප්රධානත්වයට ඔහු පත් කිරීම විශිෂ්ට තීරණයක් වන අතර මෙම කමිටුවට සම්බන්ධ කරගෙන සිටින අනෙකුත් ජේෂ්ඨ සහ කණිෂ්ඨ ආර්ථික විශේෂඥයන් කණ්ඩායමට රටේ ආර්ථිකය නිවැරදි මාවතකට හරවා ගැනීමේ හැකියාව ඇති විශිෂ්ටයන් බව බැලු බැල්මටම පෙන්නෙන්න තිබේ.
මෙම කමිටුවට මහ බැංකු අධිපති ආචාර්ය නන්දලාල් වීරසිංහ,භාණ්ඩාගාර ලේකම් මහින්ද සිරිවර්ධන, ආචාර්ය ෂර්මිණි කුරේ,හිටපු මහ බැංකු අධිපති ආචාර්ය ඉන්ද්රජිත් කුමාරස්වාමි සහ ශාන්ත ඩැනියෙල් ඇතුළත් වේ.
කමිටුවේ අනෙකුත් සාමාජිකයින් වන්නේ ඩිෂෙල් ඩි මෙල්, ආචාර්ය සරත් රාජපතිරණ, දිනේෂ් වීරක්කොඩි, අනුෂ්කා විජේසිංහ, ඩැනියෙල් අල්ෆොන්සෝ, දිෂ්නි වීරකෝන් මෙනවිය වේ.
මෙම බොහෝ පිරිස් මංගල සමරවීර සමයේදී ආර්ථිකය සම්බ්න්ධයෙන් ඇමැතිවරයා හා සමීපව කටයුතු කළ අය වේ.
