විදුලිබල හා බලශක්ති අමාත්ය කාංචන විජේසේකර මහතා සහ ව්යාපෘති ලාභීන් අතර අද පැවති විශේෂ සාකච්ඡාවකදී මෙම තීරණයට එළැඹිණි.
විදුලිබල පනතේ නෛතික බාධාවන් ඉවත්ව ඇති බැවින් මොවුන්ට අවශ්ය මිලදීගැනීමේ ගිවිසුම් සති දෙකක් තුල අවසන් කිරීමට අවශ්ය කටයුතු සිදු කරන ලෙස අමාත්යවරයා නිළධාරීන්ට උපදෙස් දී ඇත.
පුනර්ජනනීය විදුලි ව්යපෘති අඩපණ කිරීමට පසුගිය කාලය පුරාම විදුලි බල ක්ෂේත්රයේ ඉංජිනේරු වෘත්තීය සමිති මාෆියාව දිගින් දිගටම කටයුතු කළ බවට බරපතල චෝදනාවක් එල්ල වී තිබූ අතර පසුගියදා මන්නාරම සූර්ය සහ සුළං බල විදුලි බලාගාර ඇති කිරීමට එරෙහිවද මෙම මාෆියාව රට තුළ විදුලිය කපා හැර කඩාකපල්කාරී ක්රියාවකට ද සූදානම් විය.
එහෙත් ඒ තර්ජනයන් නොතකා ඇමැති කාංචන විජේසේකර අදාල පනත් සංශෝධනය පාර්ලිමේන්තුවට ඉදිරිපත් කර සම්මත කරගැනීමට සමත් විය. විශේෂයෙන්ම විදුලි බල වෘත්තීය සමිති ක්රියමාර්ගයට එරෙහිව සමාජය තුළින් පක්ෂ බේදයකින් තොරව බරපතල විරෝධයක් එල්ල වීම මත මෙම වෘත්තීය සමිති මාෆියාවට තමන්ගේ තීරණය අකුලා ගැනීමට සිදු වූ බව පැහැදිලි විය.
කෙසේ නමුත් එම මොහොතේත් මෙම වෘත්තීය සමිති මාෆියාවේ සහ ඩීසල් බලාගාර ජාවාරම්කරුවන්ගේ වුවමණාවන් සමඟ කටයුතු කිරීමට සමගි ජන බලවේගය සහ ජනතා විමුක්ති පෙරමුණ ක්රියා කළේය. අදාල පනත් සංශෝධනයට එරෙහිව ඡන්දය පාවිච්චි කිරීමට පමණක් නොව සංශෝධනයට එරෙහිව ජනමතය ගොඩ නැංවීමටත් මෙම පක්ෂ දෙක කටයුතු කළේය.
මෙම පනත් සංශෝධනය ගෙන ආවේම මෙරට මේ මොහොතේ පවතින විදුලි බල අර්බුදය විසඳා ගැනීමට තිබූ බාධකයක් ඉවත් කිරීමටත් වඩා අනාගත අපේක්ෂා සහිතවය. මේ අනුව ඉදිරියේදී පුනර්ජනනීය විදුලි බල ව්යාපෘති ගනනාවක් ක්රියාත්මක කිරීමේ හැකියාව ලැබී තිබීම රටට ලැබුණු අලුත් ආලෝකයකි.
රට අඳුරේ තැබීමට වෙර දරණ දේශපාලන බලවේග මෙන්ම රාජ්ය නිලධාරීන්ගේ වෘත්තීය සමිති මාෆියාවත්, දූෂිත රාජ්ය නිලධාරී යාන්ත්රණයත් පරාජය කිරීම අද මෙරට ජනතාවගේත් අනිවාර්ය අවශ්යතාවය බවට පත්ව තිබෙන අතර ඒ ජයග්රහණය කරවීමට වත්මන් පාලනය විසින් කටයුතු කිරීම විය යුතුව තිබේ.
