ඉන්දීය රජය මගින් මෙරටට ලබා දෙන මෙට්රික් ටොන් 65,000 ක යූරියා පොහොර තොගය රැගත් නෞකාව ලබන 6 වනදා දිවයිනට පැමිණීමට නියමිතව ඇත.
එම පොහොර දිවයින පුරා පිහිටි ගොවිජන සංවර්ධන මධ්යස්ථාන වෙත ප්රවාහනය හා බෙදා හැරීම ජුලි 7 සිට 15 තෙක් සිදුකෙරෙන අතර එම කටයුතු වෙනුවෙන් මෙලෙස නිවාඩු අත්හිටවූ බව කෘෂිකර්ම අමාත්යාංශය සඳහන් කරයි.
ඒ අනුව කෘෂිකර්ම අමාත්යාංශය යටතේ ඇති ගොවිජන සේවා දෙපාර්තමේන්තුව , ජාතික පොහොර ලේකම් කාර්යාලය , ලංකා පොහොර සමාගම සහ කොමර්ෂල් පොහොර සමාගම යන ආයතනවල සියලු කාර්ය මණ්ඩලවල නිවාඩු අවලංගු කෙරෙනු ඇති බවට වාර්තා වී ඇත.
මේ අනුව වී වගාව ඇතුළු වගාවන් ගනනාවකට නිසි වේලාවට පොහොර නොලැබීම මත ඉදිරි අස්වනු අහිමි වීමේ අවදානම යම් තරමකට අවම කර ගැනීමේ හැකියාව ලැබෙනු ඇත. විශේෂයෙන්ම මෙවර යළ කන්නයේ වී අස්වනු ලබා ගැනීම බරපතල ප්රශ්නයක් බවට පත්ව තිබිණි. මේ වන විටත් බොහෝ ප්රදේශ වල වපුරා ඇතී නමුත් පොහොර දැමිය යුතු කාලය පසුව තිබේ.
මේ තත්වය මත මෙරටට පොහොර ලැබීමත් සමඟ ඒ රට පුරා කඩිනමින් බෙදා හැරීමට කෘෂිකර්ම අමාත්යාංශය පෙර සූදානම් වීම අගය කළ යුතුය.
