රට තුළ නිර්මාණය වූ ආර්ථික අර්බුදය සෑම ක්ෂේත්රයකටම එක සේ බලපා තිබෙන අතර සමස්ත ග්රහණයෙන් 30%ක් වූ ගොවි ජනතාවට ද මේ තත්ත්වය දැඩි ලෙස බලපා ඇත.
රසායනික පොහොර හා කෘෂි රසායන භාවිතය වෙනුවට කාබනික පොහොර සඳහා යොමුවීමේ තීරණය නිසා අවශ්ය තරමට පොහොර නොමැතිවීමෙන් ගොවීන් තවදුරටත් දුෂ්කරතාවයට මුහුණ දුන්නේය.
ගොවීන් සාමාන්යයෙන් වගාව ආරම්භ කරන්නේ ඒ් වෙනුවෙන් ණය ලබා ගැනීමෙන් පසුවය. පසුව අස්වනු විකුණා එම ණය ගෙවීම සිදු කරයි.
මෙම තත්ත්වය යටතේ වී වගාව සඳහා ගොවීන් විසින් ගෙන ඇති ණය මුදල් ආපසු ගෙවීම බොහෝ සෙයින් අතපසු කර ඇති අතර එම ණය අක්රීය ණය ලෙස බැංකු විසින් වර්ග කර ඇත.
මේ නිසා ඉදිරි මහ කන්නයේ වී වගාව සඳහා අවශ්ය ණය මුදල් ගැනීමට බොහෝ ගොවීන් නුසුදුස්සන් වීමමේ වන විටත් සිදුව තිබේ. ඔවුන්ට සහන සැලසීමට සිදු නොවුණහොත් වගාව සඳහා ඔවුන් යොමු නොවන අතර එමෙන්ම ණය බරින් මිරිකී තවත් ආර්ථික හා සාමාජීය ගැටළු රාශියකටද ඔවුන් මුහුණ දෙනු ඇත.
ඒ අනුව හෙක්ටයාර දෙකක් හෝ ඊට අඩු ඉඩම් ප්රමාණයක වී වගාව සඳහා රජයේ බැංකු මඟින් ගත් ගොවි ණය, ගෙවීම් අතපසු කළ ගොවීන් සඳහා මෙම සහනය හිමිවේ.
මුදල්, ආර්ථික ස්ථායීකරණ සහ ජාතික ප්රතිපත්ති ඇමැතිවරයා වශයෙන් අගමැතිවරයා විසින් මෙම යෝජනාව ඇමැති මණ්ඩලයට ඉදිරිපත් කර තිබිණි.
කෙසේ නමුත් වත්මන් තත්වය යටතේ රජය ගත් මේ පියවර අතිශය සාධනීයය. මේ අනුව මීළඟ කන්නය සඳහා වී වගාවට යොමු වීමේ පහසුව ගොවීන්ට ලැබේ.
- මහේෂි
