කෙසේ වුවත් පෙරටුගාමී සමාජවාදී පක්ෂයේ කාඩර්වරුන් පමණක් එසේ අනවසර කූඩාරම් ඉවත්කර ගැනීම ප්‍රතිකේෂ්ප කර ඇති බවත් වාර්තා වෙයි.

විශ්වාස කටයුතු ආරංචි මාර්ග සඳහන් කරන ආකාරයට ගෝල්ෆේස් පිටිය නිදහස් කිරීම සම්බන්ධයෙන් අරගල පාර්ශ්ව සහ රජයේ බලධාරීන් අතරත් නිල - නොනිල මට්ටමේ සාකච්ඡා වට කිහිපයක් පවත්වා ඇත.

එහිදී සියලු පාර්ශ්ව එළඹ ඇති පොදු එකඟතාවක් වී ඇත්තේ , ගෝල්ෆේස් පිටිය ආශ්‍රිත ආර්ථික සහ දේශපාලන වටිනාකම හේතුවෙන් එයින් ඉවත්වීම ගැටලුවක් නොවන බවය.

විශේෂයෙන් මෙරට තරු පන්තියේ හෝටල් රැසක් මේ ආශ්‍රිතව පවතී. අරගල බිමේ පෙර පැවති සාමකාමී ස්වභාවය පසුගිය මන්දිර අත්පත් කරගැනීමේ කඩාකප්පල් කාරී පිළිවෙත ඉදිරියේ නැතිව ගියේය . ඒ අනුව සංචාරක කර්මාන්තයේ නිරත පාර්ශ්ව සංචාරක අදහස් උපුටා දක්වමින් මේ ප්‍රදේශයේ සාමකාමී තත්ත්වය අපේක්ෂා කර ඇත.

රාජ්‍යයේ දෛනික කටයුතු වලට බාධාවක් !

එසේම දින සිය ගණනකට අධික කාලයක් තිස්සේ ජනාධිපති කාර්‍යාලයේ ප්‍රධාන පිවිසුමක් වූ "ගේට් සීරෝ " අරගලකරුවන් අත්පත් කරගෙන සිටි අතර ඒ හේතුවෙන් විදෙස් රාජතාන්ත්‍රිකයන් 60 කට ආසන්න ප්‍රමාණයක් අක්තපත්‍ර බාරදීමට පවා නොපැමිණ ඇති බවත් වාර්තා වෙයි . ඒ අදාළ තානාපති කාර්‍යාල ආරක්ෂක උපදේශකයන් විසින් පරිශ්‍රයේ ආරක්ෂාව සහතික නොකිරීම හේතුවෙනි.

මේ වන විට අරගලකාර පාර්ශ්ව ගෝල්ෆේස් හී සිදුකර ඇති ඉදිකිරීම් සියල්ල අනවසර ඉදිකිරීම් වෙයි. ඒ අනුව පොලිසිය පසුගියදා නිවේදනය කර සිටියේ , එකී අනවසර ඉදිකිරීම් සහ වගාවන් අද (05) පස්වරු 5:00 ට පෙර ඉවත් කරගන්නා ලෙසය.

සාමකාමී අරගලකරුවන්ට කොළඹ ස්ථාන 3 ක් !

එසේම මේ වන විට රජය විසින් සාමකාමී විරෝධතා සහ අරගලකරුවන් වෙනුවෙන් කොළඹ ස්ථාන 3ක් වෙන්කර දී ඇත.

ගෝල්ෆේස් අරගලයේ නිරත පාර්ශ්ව අති බහුතරයක් එකී ස්ථාන මෙන්ම විරෝධතා දැක්වීමේ ව්‍යවස්ථානුකුල අයිතිය ක්‍රියාවට නංවන බව අවධාරණය කරමින් ගෝල්ෆේස් අනවසර ඉදිකිරීම් ඉවත්කර ගැනීමට එකඟතාව පළකර ඇත.

පෙරටුගාමීන් ආපු වැඩේ ඉවර නෑ ලු !

ඒ අනුව අවසානයේදී ගෝල්ෆේස් හී අනවසර ඉදිකිරීම් සමග රැඳී සිටින්නට තීන්දු කර ඇත්තේ පෙරටුගාමී සමාජවාදී පක්ෂයේ කාඩර්වරුන් පමණය.

වාර්තා වන ආකාරයට " මෙතන දාලා කොහේ යන්නද ? කවුරු ගියත් අපි යන්නේ නෑ . අපි ආපු වැඩේ ඉවර නෑ " ලෙස දැඩි ස්ථාවරයක ඔවුන් පසුවෙයි .

පක්ෂ නටන නාඩගම් වලට සිවිල් වැසියන් අහුවෙන්න එපා !

මේ අතර නීති ක්ශේත්‍රයේ ප්‍රවීණයන් පවසන්නේ , රාජ්‍ය දේපළ අනවසරයෙන් අත්පත් කරගෙන ඇති විට සහ අනවසර ඉදිකිරීම් සිදුකර ඇති විට ඒවා ඉවත් කිරීමේ නෛතික බලය පොලිසිය සතු බවය. එබැවින් රටේ පොදු නීති කැඩීමට කිසියම් පක්ෂයක් තීන්දු කර ඇත්නම් එම පක්ෂයට සහ පොලිසියට ප්‍රශ්නය විසඳාගැනීමට දී සිවිල් වැසියන් එයින් ඉවත් වීම බුද්ධිමත්ම තීන්දුව බවත් නීති ක්ෂේත්‍රයේ ප්‍රවීණයන් අවධාරණය කරයි.