මේ සම්බන්ධයෙන් ට්විටර් පණිවිඩයක් නිකුත් කරමින් විදුලි බල සහ බලශක්ති අමාත්ය කංචන විජේසේකර මහතා සඳහන් කර ඇත්තේ, ඛනිජ තෙල් සහ විදුලි බල යන ක්ෂේත්ර දෙක ම ප්රතිසංස්කරණය කළ යුතු අතර ඒ සඳහා අවශ්ය කටයුතු අඛණ්ඩව සිදු කරන බව ය.
සියලු ම වෘත්තීය සමිති හමු වී යෝජිත ප්රතිසංස්කරණ සහ එහි වැදගත්කම පිළිබඳව සාකච්ඡා කළ බව ඔහු වැඩිදුරට ත් එහි සඳහන් කර ඇත.
ඔහු සඳහන් කළේ, සියලු ම වෘත්තීය සමිති හමුවී යෝජිත ප්රතිසංස්කරණ සහ එහි වැදගත්කම පිළිබඳව සාකච්ඡා කළ බව ය.
ඛනිජ තෙල් සංස්ථාව මෙරට පාඩු ලබන ප්රධාන රාජ්ය ආයතන කිහිපයෙන් එකක් වන අතර මෙම ව්යාපාරය ලාබ ලබන ලෙස සහ මෙරට ජනතාවගේ පහසුව පිණිස ප්රතිසංස්කරණය විය යුතු බවට ජනතා ඉල්ලීමක් දැඩිව ඉදිරිපත්ව තිබේ.
කෙසේ නමුත් මෙම ප්රතිසංස්කරණයන්ට එරෙහිව එම වෘත්තීය සමිති වෙතින් බරපතල විරෝධයක් එල්ලවනු ඇති බවට පූර්ව නිගමනයක් තිබිණි. ඒ සනාත කරමින් ඛනිජ තෙල් වෘත්තීය සමිති එකමුතුව විරෝධය පළ කිරීම ආරම්භ කර ඇත.
ඛනිජ තෙල් සංස්ථාව පාඩු ලැබීම කෙරෙහි වගේ වගක් නැති මෙම වෘත්තීය සමිති සංස්ථාව ලාබ ලබන තැනට පත් කිරීමට එරෙහි වන්නේ එමඟින් තමන්ට ලැබෙන වාසිදායක තත්වයන් අයුතු වරප්රසාද ආදිය අහිමි වෙනු ඇතැයි බිය නිසා බව ද පැහැදිලි කරුණකි.
