මුදල්, ආර්ථික ස්ථායීකරණ හා ජාතික ප්රතිපත්ති අමාත්යාංශය යටතේ මෙම ඒකකය ස්ථාපිත කිරීමට නියමිතය.
කාර්යසාධනය සතුටුදායක මට්ටමක නොපවතින රාජ්ය ව්යාපාරවලින් මහාභාණ්ඩාගාරය වෙත පැවරී ඇති මූල්ය බර අවම කරගැනීම සඳහා වන ක්රම හඳුනාගැනීමත්, රජය සතු ව්යවසායන්හි සමස්ත කාර්යසාධනය වැඩිදියුණු කිරීම අරමුණු කරගනිමින් රාජ්ය ව්යවසායන් ප්රතිසංස්කරණය කිරීම සම්බන්ධයෙන් අවශ්ය මග පෙන්වීම සහ සහාය වීමත් මෙම ඒකකය පිහිටුවීමේ අරමුණු වී ඇත.
මෙලෙස ප්රතිව්යුහගත කළ යුතු යැයි මූලිකවම හඳුනා ගත් රාජ්ය ආයතන 39 ක් පවතින බව වාර්තා වී ඇත. පසුගිය අතුරු අයවැය යෝජනා ඉදිරිපත් කරමින් ද ජනාධිපතිවරයා රාජ්ය ආයතන ප්රතිව්යුහගත කිරීම සම්බන්ධ කරුණු අවධාරණය කර තිබිණි.
ජාත්යන්තර මුල්ය අරමුදල විසින් මෙරටට සහය වීම වෙනුවෙන් මෙරට ආර්ථිකයේ ඇති විය යුතු අනිවාර්ය වෙනස්කම් වලදී රජයට බරක්ව පවතින මෙම පාඩු ලබන ආයතන වලින් රජය නිදහස්වීම අවධාරණය කර තිබෙන බවත් වාර්තා විය.
