එහි අරමුණ යම් එකඟතාවයකට පැමිණීම බව වැඩබලන කැබිනට් ප්රකාශක අමාත්ය රමේෂ් පතිරණ පැවසුවේය.
ජාත්යන්තර මූල්ය අරමුදලෙන් අවශ්ය මූල්ය සහනය ලබාගැනීමට මෙරට විදේශීය සහ දේශීය ණය ප්රතිව්යුහගතකරණය අවශ්ය බවය. එනම් අනාගතයේ දී ණය ගෙවීම් සඳහා සහනදායක ගෙවීම් ක්රමයකට එකඟවීමය. මේ වන විට ශ්රී ලංකාව ණය ගෙවීමට ඇති නොහැකියාව ප්රකාශකර තිබේ.
මූල්ය උපදේශකයින් වන "ලැසාර්ඩ්" ආයතනයේ සේවය ලබාගැනීමට ශ්රී ලංකා බලධාරීන් පසුගිය මැයි මාසයේදී තීරණය කළ අතර ජාත්යන්තර නීති උපදේශක සමාගමක් වන "ක්ලිෆර්ඩ් චාන්ස්" ද මෙරට ණය ප්රතිව්යුහගතකරණ කාර්යට සහාය වෙයි.
ශ්රී ලංකාවේ ණය ඩොලර් බිලියන 85 සිට ඩොලර් බිලියන 100 ඉක්මවා ඇතැයි ඇස්තමේන්තු කර ඇත.
ශ්රී ලංකාව විසින් චීනය, ජපානය සහ ඉන්දියාවට ගෙවිය යුතු ණය ඩොලර් බිලියන 13ක් පමණ වෙතැයි පැවසෙයි. ඉන් වැඩි ප්රතිශතයක් චීනය සතුය.
