එක්සත් ජාතික පක්ෂයේ ජ්යෙෂ්ඨයකු උපුටා දක්වමින් එම ආරංචි මාර්ග සඳහන් කරන්නේ එවැනි කිසිදු එකඟතාවක් ජනාධිපති රනිල් වික්රමසිංහ සහ බැසිල් රාජපක්ෂ අතර ඇතිව නැති අතර , එම පුවත ජනතාව නොමග යැවීමට කිසියම් පාර්ශ්වයක් හිතාමතා නිර්මාණය කර තිබෙන්නක් විය හැකි බවය.
කෙසේ වුවත් අදාල දුරකතන සංවාදයේදී 22 වන ව්යවස්ථා සංශෝධනය තුළ ඇති ද්විත්ව පුරවැසි භාවයට එරෙහි වගන්තිය සම්බන්ධයෙන් සංශෝධනයක් සඳහා ජනාධිපතිවරයාට ඉල්ලීමක් ඉදිරිපත් කර ඇති බව දැනගන්නට ඇති බවත් එම ආරංචි මාර්ග පවසයි .
එහිදී ජනාධිපති රනිල් වික්රමසිංහ ගේ ප්රතිචාරය වී ඇත්තේ පුද්ගලිකව තමා ඊට එකඟ නොවන බවත් අදාළ තීන්දුව ගැනීම පාර්ලිමේන්තුවේ කටයුත්තක් බවත්ය.
එබැවින් ඒ පිළිබඳ විමසීම පාර්ලිමේන්තුවේදී ඉදිරිපත් කර තීන්දුවක් ගන්නා ලෙස ජනාධිපති රනිල් වික්රමසිංහ පවසා ඇති බවත් එම ආරංචි මාර්ග වැඩිදුරටත් පවසයි.
කෙසේ නමුත් පොහොට්ටුවේ බැසිල් පාර්ශ්වය යළි ප්රසිද්ධ දේශපාලන කටයුතු ආරම්බ කරමින් ජන රැළි පැවැත්වීමට තීන්දු කළත් එල්ලවන මහජන විරෝධය හමුවේ තවදුරටත් පොහොට්ටුව ලෙස හෝ රාජපක්ෂවරු ඉදිරියට දමාගෙන දේශපාලනය කිරීමේ පහසු හැකියාවක් නොමැති වීම තුළ එක්සත් ජාතික පක්ෂය සමඟ වන සන්ධානයක් ගොඩනාඟා ගැනීමේ උත්සාහයක් ගනිමින් තිබේ.
මේ අතර බැසිල් රාජපක්ෂ අගමැතිවරයා ලෙස පත්කර ගැනීමේ උත්සාහයක්ද ක්රියාත්මක වන බවට පුවත් පළ වූවද එයද කැබැලි වෙමින් පවතින පොහොට්ටුව ආරක්ෂා කරගැනීම වෙනුවෙන් පැලකරන ලද තවත් සාවද්ය පුවතක් බවත් හෙළිව තිබේ. මේ වන විටත් පොහොට්ටුව නියෝජනය කරන මැති ඇමැතිවරුව ගනනාවක්ම එයින් ඉවත් වී වෙනම එජාපය සමඟ දේශපාලන සන්ධානයකට පැමිණීමේ කැමැත්ත පළ කරද තිබෙන බවත් වාර්තා වී තිබේ.
