ශ්රී ලංකාව සහ යුරෝපා සංගමය අතර නීතියේ ආධිපත්යය සහ මානව හිමිකම පිළිබඳ ක්රියාකාරී කණ්ඩායමේ 06 වන රැස්වීමේදී යුරෝපා සංගමය මේ බව ප්රකාශ කර ඇති බව වාර්තා වේ.
මෙහිදි ශ්රී ලංකාවේ මෑත කාලීන වර්ධනයන් සහ මානව හිමිකම් ප්රවර්ධනය පිළිබඳව සාකච්ඡා වී තිබේ.
ආණ්ඩුක්රම ව්යවස්ථා සභාව සහ ස්වාධීන කොමිෂන් සභා නැවත ස්ථාපිත කිරීම මෙන්ම දූෂණ විරෝධී ක්රියාමාර්ග ශක්තිමත් කිරීම අරමුණ කරගත් ආණ්ඩුක්රම ව්යවස්ථාවේ 21 වන සංශෝධනය පිළිබඳව ද ශ්රී ලංකාව මෙහිදි යුරෝපා සංගමය දැනුවත් කරනු ලැබීය.
ත්රස්තවාදය වැළැක්වීමේ පනත භාවිත කිරීම පිළිබඳ යුරෝපා සංගමය අදාළ සාකච්ඡාවේ දී සිය කනස්සල්ල පළ කර ඇති අතර එය ක්රියාත්මක කර අත්තේ අත්යවශය අවස්ථාවේ දී පමණක් බව ශ්රී ලංකාව ප්රකාශ කර ඇත.
ජී.එස්.පී.ප්ලස් බදු සහනය සම්බන්ධයෙන් ද මෙහිදී දිර්ඝ වශයෙන් සාකච්ඡා වී තිබේ.
කෙසේ නමුත් මෙරට තුළ මානව හිමිකම් කඩවීම සිදුවන බවට ජාත්යන්තර ප්රජාවට දැනුම් දී රට තව දුරටත් අර්බුදයට යවා තමන්ගෙ පටු දේශපලන අභිලාශයන් ඉටු කරගැනීමට උත්සහ කරන කුමන්ත්රණකාරී ක්රියාවන් සිදුකරමින් පවතී.
ඊයේ දිනයේදි පැවැති විපක්ෂයේ උද්ඝෝෂණ ක්රියාවලියට රාජ්ය මර්දනය කැඳවාගෙන සිදුකිරීමට ගියේ එවැනි කුමන්ත්රණයක්ද යන සැකය තිබේ. කෙසේ නමුත් ඒ අසාර්ථක විය. මානව හිමිකම් කඩවීම් සිදුවන බවට තහවුරුවුවහොත් යුරෝපා සංගමයේ ජී.එස්.පී.ප්ලස් බදු සහනය අහිමිවීම මෙන්ම ජාත්යන්තර මුල්ය අරමුදලේ සහය පවා අහිමි වීමේ ඉඩකඩක් පවතී.
