ඒ අනුව ජාත්යන්තර මූල්ය අරමුදලේ ප්රධානී ක්රිස්ටලීනා ජෝර්ජීවා සහ ලෝක බැංකු සභාපති ඩේවිඩ් මල්පාස් ට මෙම සතියේ බෙයිජිං නුවරට පැමිණෙන ලෙස ආරාධනා කර ඇති බව සඳහන් ය.
ශ්රී ලංකාව ඇතුළු රටවල් මුහුණදී ඇති අර්බුද සහ ණය අර්බුදයට සහන ලබාදිය හැකි ආකාරය සාකච්ඡා කිරීම සඳහා ඔවුන්ට ආරාධනා කළ බව චීන විදේශ අමාත්යංශය පැවසීය.
ශ්රී ලංකාවේ ණය ප්රතිව්යුහගත කිරීම සම්බන්ධයෙන් චීනය නම්යශීලි පිළිවෙතක් ගනු ඇති බවට මීට පෙර ද මත පළ වී තිබුණු අතර එම කටයුතු ප්රමාදයට හේතු වී තිබුණේ චීනයේ පාලක කොමියුනිස්ට් පක්ෂයේ සමුළුව පැවැත්වීම මතය. මේ වන විට එම සමුළුව අවසන්ව ඇත.
මේ අතර ජාත්යන්තර සංවර්ධන සංගමයෙන් මූල්ය සහන ලබාගැනීම සඳහා ශ්රී ලංකාවේ සුදුසුකම් අනුමත කිරීමට ලෝක බැංකුව කටයුතු කර තිබේ.
ඒ ඔස්සේ ශ්රී ලංකාවේ අර්ථිකය ස්ථායිකරණය සහ මෙරට ජනතාවගේ ජීවන මාර්ග ආරක්ෂාකර ගැනීම සඳහා අවස්ථාව ලැබෙන බව ජනාධිපති මාධ්ය අංශය පවසයි.
