ඒ අනුව මෙරට කංසා වගාව සම්බන්ධයෙන් මේ වන විට කර තිබෙන අධ්යයනය කටයුතු සහ ජපාන අයෝජකයන් සමඟ වැඩිදුරටත් ඒ සම්බන්ධයෙන් සාකච්ඡා කරන ලෙස ජනපති රනිල්, කාර්ය මණ්ඩල ප්රධානී සාගල රත්නායකට උපදෙස් දී ඇත. ජනපතිවරයා අය වැයෙන් ඉදිරිපත් කර තිබූ කංසා (ත්රෛලෝක විජයපත්ර) වගාව ආරම්භ කිරීම ගැන ජපානයේ සිට පැමිණි ඒ් සම්බන්ධයෙන් විෂේෂ උනන්දුවක් දක්වා ඇති බවත් ජනාධිපති කාර්යාලයට සම්බන්ධ තොරතුරු මාර්ග පවසයි.
වසර දහස් ගන්නක් තිස්සේ ජපානය සංස්කෘතිය හා කංසා සමීප සම්බන්ධයක් ඇති මුත් මත්ද්රවයක් ලෙස සලකා කංසා මෑතකදී කංසා ධූම පානයට දැඩි නීති රීති පනවා ඇත. එහෙත් වානිජමය කංසා වගාව සිදුවෙයි. වානිජමය වගාව සඳහා මත්වීමේ හැකියාව අඩු කංසා ප්රභේද වගා කිරීම මේ වන විට සිදුවන අතර කංසා ආශ්රිත නිශ්පාදන ගනනාවක් ජපානය සිදු කරයි. සමීක්ෂණ වාර්තා අනුව, ජපානය 2024 වන විට ආසියාවේ දෙවන විශාලතම කංසා (CBD රසායනය) වෙළඳපොළ බවට පත් වනු ඇතැයි පුරෝකථනය කර ඇති අතර, එය චීනයට පමණක් දෙවැනි වේ. මේ අනුව මෙරට කංසා වගාවට සහය වීම සහ අස්වනු මිළදී ගැනීමට ජපානයෙන් යෝජනා වීම මත එම වගාව හරහා අපනයන ආදායම් ලබා ගැනීමේ ඉහළ අවස්ථාවක් නිර්මාණය වෙනු ඇත.
