මේ අනුව නව ටෙන්ඩර් ක්‍රියාපටිපාටිය අනුව ගල් අඟුරු ලබා ගැනීම සඳහා Arista Mitra නැමති ඉන්දුනීසියානු සමාගම තෝරා ගෙන ඇති බව ලංකා ගල් අඟුරු සමාගමේ සභාපති ෂෙහාන් සුමනසේකර මහතා පවසයි.

ඊයේ (27) පැවති මාධ්‍ය හමුවක දී සභාපතිවරයා වැඩිදුරටත් කියා සිටියේ, අදාළ ගල් අඟුරු ඇණවුම ලබා දී ඇත්තේ අවම ලංසුකරුට බවයි.

“ගල් අඟුරු සමාගම විසින් මෙවර අලුත් ටෙන්ඩර් ක්‍රියා පටිපාටිය අනුව අපි තෝරාගෙන සිටිනවා මෙම අවස්ථාවේ දී ඉන්දුනීසියන් කම්පැනි එකක්. ඒකේ නම Arista Mitra. තවත් ඒගොල්ලන්ගේ Consultant සමාගමක් තියනවා Concept Global කියලා. ඒ් සමාගමත් සමඟම තමයි මෙම ඇනවුමට සහභාගී වුනේ. ඒ සම්බන්ධයෙන් අපි මම හිතන්නේ Special procurement committee එකක් තියනවා. ඒ committee එක අපේ Technical committees හරහා ගිහිල්ලා කැබිනට් අනුමැතියත් අරගෙන අවසාන වශයෙන් අඩුම most responsive හා අඩුම ලංසුකරු වෙත තමයි මේ ඇණවුම ලබා දීලා තියෙන්නේ වන විට.“

“shipments 12ක් තියනවා දීලා මේ අවස්ථාවේ දී මෙට්‍රික්ටොන් 720,000ක්. ඒ කියන්නේ එක shipment එකකට 60,000 ගානේ shipment 12කට 720,000 ක්.“

“අපිට මේ ඇණවුම Credit period එකක් එක්ක ලැබෙන්නේ. ඒ නිසා අපි පෙබරවාරී මාසේ පලවෙනි සුමානේ සිට පලවෙනි නැව ගේන්න සැලසුම් සකසා තිබෙනවා. ඒ නිසා තමයි ජනවාරී මාසයේ අපි අර අත්පිට මුදලට ගන්න නැව් ටික මේ වෙලේ අපි lineup කරලා තියෙන්නේ ජනවාරී මාසයේ දිගටම එන්න. පෙබරවාරී මාසයේ ඉදලා තමයි මේ අලුත් ඇණවුම හරහා අපි නැව් පුත්තලම වරාය වෙත ගෙන ඒමට සැලසුම් කරලා තියෙන්නේ.“