මේ මාසයට අදාළ මිල සංශෝධනයට අනුව ඊයේ (04) මධ්‍යම රාත්‍රියේ සිට බලපැවැත්වෙන පරිදි මේ මිල වැඩි වීම ක්‍රියාත්මක කෙරේ.

ඒ අනුව කිලෝග්‍රෑම් 5ක සිලින්ඩරයක මිල රුපියල් 137කින් ද කිලෝග්‍රෑම් 2.3ක සිලින්ඩරයක මිල රුපියල් 63කින් ද ඉහළ දැමූ බවත් නව මිල ඊයේ මධ්‍යම රාත්‍රියේ සිට ක්‍රියාත්මක වන බවත් මුදිත පිරිස් මහතා කීය.

එම මිල ඉහළ දැමීමත් සමඟ කිලෝග්‍රෑම් 12.5ක සිලින්ඩරයක මිල රුපියල් 3470ක් දක්වා ද කිලෝග්‍රෑම් 5ක සිලින්ඩරයක මිල රුපියල් 1393ක් දක්වා ද කිලෝග්‍රෑම් 2.3ක සිලින්ඩරයක මිල රුපියල් 650ක් දක්වා ද වැඩි වූ බවත් මුදිත පීරිස් වැඩිදුරටත් සඳහන් කළේය.

ලිට්‍රෝ ගෑස් කිලෝග්‍රෑම් 12.5ක සිලින්ඩරයක මිල රුපියල් 3,127ක් ද කිලෝග්‍රෑම් 5ක සිලින්ඩරයක මිල රුපියල් 1,256ක් ද කිලෝග්‍රෑම් 2.3ක සිලින්ඩරයක මිල රුපියල් 587ක් ලෙසද පැවතුණි.

එසේම ඊයේ (04) මධ්‍යම රාත්‍රියේ සිට ලාෆ් ගෑස් මිල ද ඉහළ ගොස් තිබේ.

ඒ අනුව කිලෝග්‍රෑම් 12.5ක ගෑස් සිල්නඩරය රුපියල් 150කින් ඉහළ ගොස් ඇති අතර නව මිල රුපියල් 3985ක් වේ. කිලෝග්‍රෑම් 5ක ගෑස් සිලන්ඩරය රුපියල් 60කින් ඉහළ දමා ඇති අතර නව මිල රු.1595ක් වේ.