මේ අනුව මැතිවරණ කොමිෂන් සභාව විසින් ශ්රී ලංකා මුස්ලිම් කොංග්රසයේ මඩකළපුව දිස්ත්රික් ලයිස්තුවේ මීළඟට සිටින අපේක්ෂකයා එම පුරප්පාඩුවට පත් කරනු ලැබීමට නියමිතය.
එම ලයිස්තුවේ මීළඟට සිටින වැඩිම මනාප ගත් අපේක්ෂකයා වන්නේ හිටපු පාර්ලිමේන්තු මන්ත්රීවරයකු වන අලි සහීර් මවුලානාය.ඒ අනුව නව මන්ත්රීවරයා පත් කිරීමට අදාළ ගැසට් නිවේදනය නිකුත් කරනු ලැබීමට නියමිතය.
පරිසර අමාත්ය නසීර් අහමඩ් මහතා ශ්රී ලංකා මුස්ලිම් කොංග්රසයේ සාමාජිකත්වයෙන් ඉවත් කිරීමට එම පක්ෂයේ උත්තරීතර මණ්ඩලය ගත් තීන්දුව නිවැරදි බව ශ්රේෂ්ඨාධිකරණය පසුගිය 6 වැනිදා තීන්දු කළේය.
මෙම නඩු තීන්දුව අනුව මේ වන විට පක්ෂ මාරුකර සිටින සෙසු මන්ත්රීවරුන්ගේ ධුරයන් සම්බන්ධයෙන්ද නෛතික ගැටළු ඇතිවීමේ හැකියාවක් නිර්මාණය වී ඇත. නමුත් ඇතැම් නීති ප්රවීණයන් පෙන්වා දෙන්නේ නසීර් අහමඩ් සම්බන්ධයෙන් දුන් නඩු තීන්දුව වැරදියට තේරුම් ගෙන තිබෙන බවය. ඔහුට එල්ල වී චෝදනා සඳහා ඔහු නිසි පරිදි පිළිතුරු බැඳීමට අපොහොසත් වීම ඔහුගේ මන්ත්රීධුරය අහෝසි වීමට හේතුවී ඇති බවය. විශේෂයෙන්ම එල්ල වූ චෝදනා ප්රතික්ෂේම කිරීම ඔහුගෙන් සිදු නොවීමය.
