ඉන් සුජිත් ප්රියංකර නමැති ශ්රී ලාංකිකයා තුවාල ලැබීම නිසා ප්රතිකාර ලැබීමෙන් පසු රෝහලෙන් පිට ව ගොස් ඇත. රෝහලෙන් පිට ව ගිය ද ඔහුට අවශ්ය ප්රතිකාර සහ ඔහු ගැන නිරන්තරයෙන් තානාපති කාර්යාලය විමසිල්ලෙන් සිටින බව ද තානාපතිවරයා සඳහන් කළේය.
එසේම අතුරුදන් වූ තවත් කාන්තාවක් සහ තරුණයකු පිළිබඳ තවම ආරංචියක් නොලැබුණු බව ද තානාපතිවරයා අවධාරණය කරයි.
මීට අමතර ව ගාසා තීරයේ සේවය කරන ශ්රී ලාංකිකයන් 20 දෙනෙකු අද දින එම ස්ථානවලින් ඉවත් වී ඇති බව ද තානාපතිවරයා සඳහන් කරන අතර, ඉන් දෙදෙනෙකු දැනටමත් ඒ බව තානාපති කාර්යාලය දැනුම්වත් කර ඇති බව ද ඔහු පැවසීය.
තවද ඔහු පවසන්නේ, එරට සිටින විදේශ තානාපතිවරුන් සමඟ ඊශ්රායල විදේශ අමාත්යවරයා සාකච්ඡාවක් ද කැඳවා ඇති බවයි.
මේ අතර ඊශ්රායලයේ සිටින ශ්රි ලංකිකයින් පිළිබඳ තොරතුරු දැන ගැනීම සඳහා දුරකථන අංක දෙකක් හඳුන්වා දීමට ශ්රී ලංකා විදේශ සේවා නියුක්ති කාර්යාංශය පියවරගෙන තිබෙයි.
ඒ අනුව 0094716640560 වට්ස් ඇප් අංකය මගින් හෝ 1989 විදේශ සේවා නියුක්ති කාර්යාංශයේ ක්ෂණික දුරකථන අංකය හරහා තොරතුරු ලබාගැනීමට හැකියාව පවතියි.
මේවන විට ඊශ්රායලයේ ශ්රී ලංකිකයින් අටදහසක් පමණ සේවය කරන අතර ඉන් සියයට අනූවක් දෙනාම සාත්තු සේවා සැපයීම් වල නිරත වන බව ද වාර්තා වෙයි.
