අමාත්ය මනූෂ නානායක්කාර වෙනුවෙන් ජනාධිපති නීතිඥ ෆයිසර් මුස්තාෆා කරුණු දැක්වු අතර ඔහු පැවසුවේ සමගි ජන බලවේගයේ ව්යවස්ථාවට අනුව පක්ෂ සාමාජිකත්වයෙන් නෙරපීමේ බලය ඇත්තේ කෘත්යාධිකාරී මණ්ඩලයට පමණක් බවයි. එසේම පක්ෂයේ විනය කමිටුවට හෝ පක්ෂ නායකත්වයට සාමාජිකත්වය අහිමි කිරිමේ බලයක් නොමැති බව ඔහු පැවසුවා.
විනය කමිටුවට පැවරී ඇත්තේ යම් සාමාජිකයෙකු පක්ෂ ව්යස්ථාව කඩ කළ විට චෝදනා ගොනු කිරීම හා විමර්ෂණය කිරීම පමණක් බව ඔහු පෙන්වා දුන්නා.
තම සේවාදායකයා පක්ෂ සාමාජිකත්වය අත්හිටුවීමට එරෙහිව දිසා අධිකරණයෙන් වාරණ නියෝගයක් ලබාගෙන තිබිය දී පක්ෂ මහලේකම්ගේ දැනුම්දීමක් අනුව ඔහු පක්ෂයෙන් නෙරපීමට කෘත්යාධිකාරී මණ්ඩලයේ අනුමැතිය හිමි වී නැති බවත් ජනාධිපති නීතිඥවරයා පැවසුවා.
මේ අනුව තම සේවාදායකයාගේ පක්ෂ සාමාජිකත්වය නෙරපීමට ගත් තීරණය පක්ෂ ව්යස්ථාවට මුළුමනින්ම පටහැනි බවයි ඔහු අවධාරණය කළේ.
හිටපු පරිසර ඇමති නසීර් අහමඩ් මහතා ශ්රී ලංකා මුස්ලිම් ක්රොන්ගසයෙන් ඉවත් කිරිමේ තීරණය අනුමත කරමින් ලබාදුන් ශ්රේෂ්ඨාධිකරණ තීන්දුව මෙම නඩුකරයට කිසිසේත් අදාළ නොවන බව ද ජනාධිපති නීතිඥවරයා සදහන් කළා. ඒ අනුව වැඩිදුර විභාගය ලබන 24 වනදාට කල්තැබුවා.
