ඊයේ අවිස්සාවේල්ල ප්රදේශයේ පැවති උත්සවයකට එක්වෙමින් ඔහු කියා සිටියේ බැංකු පොලී අනුපාත අඩු කිරීම සම්බන්ධයෙන් මහ බැංකුව නිකුත් කළ චක්රලේඛයට අනුව මෙම තීරණය ගත් බවයි.
පසුගිය කාලයේ බැංකු පොලී අනුපාත ඉහළ මට්ටමක තිබියදී ලබාගත් දිගුකාලීන තැන්පතු සඳහා පොලිය ගෙවීමේදී වාණිජ බැංකුවලට යම් යම් ගැටලුකාරී තත්ත්වයන්ට මුහුණ දීමට සිදු වුවද දැඩි පීඩනයකට ලක්ව සිටින ජනතාව වාණිජ බැංකුවලින් බලාපොරොත්තු වන්නේ මහ බැංකුව විසින් නිකුත් කරන ලද බැංකු පොලී අනුපාත අනුව ක්රියා කරනු ඇති බවයැයි රාජ්ය අමාත්යවරයා පැවසීය.
මහබැංකුව මෙම බැංකු පොලී අනුපාත පහත දැමුවේ ජනතාවගේ දැඩි තත්ත්වය සලකා බලමිනි.
සියලුම රාජ්ය හා පෞද්ගලික වාණිජ බැංකු මෙන්ම මුල්ය ආයතන ද මහ බැංකුව නිකුත් කළ චක්රලේඛයට අනුව කටයුතු කළ යුතු බව රජයේ ස්ථාවරය බැවින් වහාම එම බැංකුවල පොලී අනුපාත අඩු කිරීමට විය යුතු බවත් ඒ සම්බන්ධයෙන් දැඩි හා සෘජු පරීක්ෂණයක් සිදුකරන බවද අමාත්යවරයා වැඩිදුරටත් පැවසීය.
