බහුකාර්ය සංවර්ධන කාර්යසාධක බළකා දෙපාර්තමේන්තුවේ කාර්ය සාධනය සහ පත්වීම් ලබාදීම කඩිනම් කිරීම පිළිබඳ අගමැති කාර්යාලයේ ඊයේ (25) පැවැති සාකච්ඡාවේදී අගමැතිවරයා මෙලෙස උපදෙස් දුන්නේය.

රජයේ බඳවා ගැනීම් ක්‍රියාවලිය සමාලෝචනය කිරීම සඳහා ඇමැති මණ්ඩලය පත් කළ නිල කමිටුව මෙතෙක් ගනු ලැබූ පියවරයන් සම්බන්ධයෙන් මෙම සාකච්ඡාවේදී වැඩි අවධානයක් යොමු කරනු ලැබීය.

දැනට රාජ්‍ය සේවයේ ප්‍රාථමික සේවා පුරප්පාඩු සඳහා බහුකාර්ය සංවර්ධන සහායකයන් අනුයුක්ත කර පත්වීම් ලබාදීමට උපදෙස් දී ඇතත් තවමත් ඇතැම් අමාත්‍යාංශවල එම පත්වීම් ලබාදීමට කටයුතු කර නැති බව මෙහිදී අනාවරණය විය.

මේ හේතුවෙන් 4780ක් වන බහුකාර්ය සංවර්ධන සහායකයන් ප්‍රමාණයකට තවමත් පත්වීම් දීමට නොහැකි වීම සම්බන්ධයෙන් මෙම සාකච්ඡාවේදී අගමැතිවරයාගේ දැඩි අවධානය යොමු කෙරිණි.

ඒ අනුව ලබන නොවැම්බර් 15 වැනිදාට ප්‍රථම තවමත් පත්වීම් නොලද බහුකාර්ය සංවර්ධන සහායකයන්ට පත්වීම් දී නියමිත ස්ථානවලට අනුයුක්ත කරන ලෙස අගමැතිවරයා නිලධාරීන්ට උපදෙස් දුන්නේය.

-P.M