සමුළුව අමතමින් දිලිත් ජයවීර පැවසුවේ තමන් වසර 30ක් තිස්සේ වක්රව දේශපාලනයට සම්බන්ධ වී සිටි බවත් මෙරට ජාතිකත්ව කඳවුර නියෝජනය කළ බවත් ය. ඒ ජාතිකත්ව කඳවුර නියෝජනය කළ නායකයින් පෞද්ගලික අභිලාෂ නිසා එම කඳවුර පාවාදී ඇති පසුබිමක එය රැකගැනීම සඳහා තමන් මෙවර සෘජුවම දේශපාලනයට අවතීර්ණ වීමට තීරණය කළ බවය.
ජාතිකත්ව කඳවුර යනු මේ රටට ආදරය කරන දේශප්රේමීන්ගේ කඳවුර බව පැවසූ දිලිත් ජයවීර මින් ඉදිරියට ඒ කඳවුර නියෝජනය කිරීමට වෙනත් කිසිවකුට ඉඩ නොතබන බවත් ජාතිකත්ව කඳවුර හා කිසිවකු එක්වන්නේ නම් ඒ මව්බිම ජනතා පක්ෂය හරහා ගොඩනැගෙන වැඩපිළිවෙලක් තුළ පමණක් බවත් අවධාරණය කළේය.
මෙම සමුළුව සඳහා මව්බිම ජනතා පක්ෂයේ ජ්යේෂ්ඨ නායක ආචාර්ය හේමකුමාර නානායක්කාර, පක්ෂ සභාපති ආචාර්ය සරත් අමුණුගම යන මහත්වරුන් ඇතුළු විශාල පිරිසක් එක්ව සිටියහ.
-P.M
