දැනට මාස එකහමාරකට ආසන්න කාලයක් තිස්සේ ඇද හැළෙන ධාරානිපාත වර්ෂාව නිසා ඇතිවූ ගංවතුර හේතුවෙන් මෙලෙස කුඹුරු විනාශ වී ඇති බවයි ගොවින් සදහන් කරන්නේ.

පසුගිය යල කන්නයේ දී පැවැති දීර්ඝ හා දැඩි නියඟය හේතුවෙන් හානියට පත් කුඹුරු පිළිබඳ තොරතුරු රැස්කරන ලෙස කෘෂිකර්ම හා වැවිලි කර්මාන්ත අමාත්‍ය මහින්ද අමරවීර කෘෂිකාර්මික හා ගොවිජන රක්ෂණ මණ්ඩලයට දැනුම් දී තිබුණා.

ඒ අනුව නියඟය නිසා සිදුවූ වගා හානිවීම් කුඹුරු අක්කර 64,088ක් වාර්තා වී තිබෙනවා. වර්ෂාව නිසා සිදුවූ වගා හානි වීම් නිසා ගොවීන් 11,460කට බලපෑම් එල්ල වී ඇති බවත් එහිදී අනාවරණය විය.

මේ හේතුවෙන් නියඟය නිසා සිදුවූ වගා හානි සඳහා පළමුවෙන්ම වන්දි ලබා දීමට පියවර ගන්නා ලෙස කෘෂිකර්ම හා වැවීලි අමාත්‍ය මහින්ද අමරවීර කෘෂිකාර්මික හා ගොවිජන රක්ෂණ මණ්ඩලයේ සභාපති ඩබ්. එම්. එම්. බී. වීරසේකරට උපදෙස් දී තිබේ.

මෙම වන්දි මෙම වසර තුළම ලබා දෙන ලෙසත්, රජයෙන් මුදල් ලැබීම ප්‍රමාද වුවහොත් මණ්ඩලය සතු මුදල්වලින් හෝ එම වගාහානි වන්දි ගෙවීමට කටයුතු කරන ලෙසත් අමාත්‍යවරයා දැනුම් දී ඇත.

-P.M