ඊට හේතු වී ඇත්තේ කාලයක් තිස්සේ අඛණ්ඩව ඇද හැලෙන වර්ෂාපතනය නිසාත් ඒ සමග ව්‍යාප්ත වන වෛරස් උණ රෝගය නිසාත් මේ තත්ත්වය බලපා ඇති බව ඒ මහතා පැවසුවේය.
කැස්ස, සෙම්ප්‍රතිශ්‍යාව, උණ රෝග ලක්ෂණ කිසියම් දරුවකුට තිබෙන්නේ නම් එම දරුවා පාසලට හෝ දිවා සුරැකුම් මධ්‍යස්ථානවලට නොයැවිය යුතු බව ද හෙතෙම පැවසීය.
වෛද්‍යවරයා වැඩිදුරටත් පැවසුවේ ඉහළ ශ්වසන පද්ධතිය තුළ මේ වයිරස් රෝගයන් හට ගන්නා අතර ඩෙංගු ආසාදිත දරුවන්ගේ සංඛ්‍යාව ද ඉහළ ගොස් ඇති බවත්, ශ්වසන රෝගයන්ට අමතරව ඇස් රෝගයක් ද ව්‍යාප්ත වෙමින් පවතින බවත් දරුවන් මේ වයිරස් ආසාදනවලින් ආරක්ෂා කරෙගැනීමට මවුපිය වැඩිහිටියන් සෞඛ්‍ය ක්‍රමවේද අනුගමනය කළ යුතු බවත්ය. එමෙන්ම දරුවන්ට මේ වයිරස් ආසාදනයන් වැලඳී ඇත්නම් සුදුසුකම් ලත් වෛද්‍යවරයකුගෙන් ප්‍රතිකාර ගත යුතු බවය.
