කොවිඩ් පරීක්ෂණ ඉතාමත් අඩු මට්ටමක පවතින හෙයින් ශ්‍රී ලංකාවේ පැතිරීම ගැන මේ අවස්ථාවේදී විද්‍යාත්මකව කරුණු ඉදිරිපත් කිරීමට හැකියාවක් නැතැයිද ඔහු සඳහන් කළේය.
මේ තත්වය සැලකිල්ලට ගෙන වැඩිහිටියන්, විවිධ රෝගාබාධ හේතුවෙන් දුර්වල ප්‍රතිශක්තියක් ඇති අය මෙන්ම දුර්වල වාතාශ්‍රය සංවෘත ජනාකීර්ණ පරිසරයක සිටින අය නැවතත් මුහුණු ආවරණ පාවිච්චි කිරීම ඉතා වැදගත් බව පෙන්වා දෙන මහාචාර්යවරයා උණ කැස්ස, සුවඳ නැතිවීම සහ රසය නැතිවීම, දිගට පවතින අධික උණ තත්වය, හුස්ම ගැනීමේ අපහසුතා, තෙහෙට්ටුව, ආහාර ගැනීමට නොහැකි වීම, වමනය ඇතිවීමේ ප්‍රවණතා මෙම ප්‍රභේදයේ රෝග ලක්ෂණ බවද ප්‍රකාශ කළේය.
මෙවැනි රෝග ලක්ෂණ ඇත් නම් වෛද්‍ය උපදෙස් පැතීම වැදගත් බවද ඔහු කීවේය.
කොව්ඩ් එන්නත ලබාදීමේ වැඩ පිළිවෙල තවමත් ක්‍රියාත්මක වන හෙයින් අවදානම් සහිත කණ්ඩායම් බූස්ටර් එන්නත ගැනීම වැදගත් බවද චන්දිම ජීවන්දර පෙන්වා දෙයි.
ඉන්දියාවේ කොචි නගරයේ ඉන්ෆ්ලූවන්සා රෝගයට සමාන රෝග තත්වයක් පෙන්නුම් කිරීම හේතුවෙන් පරීක්ෂා කරන ලද රෝගීන්ගෙන් සියයට තිහකට මෙම කොවිඩ් ප්‍රභේදය ආසාදනයවී ඇති බවට තහවුරුවී ඇතැයි මහාචාර්යවරයා පැවසීය.
මේ අතර රටේ සෞඛ්‍ය සේවාව අර්බුදයකට ලක්ව ඇති අවස්ථාවක එය සැහැල්ලුවට නොගත යුතු බව පවසමින් නව COVID ප්‍රභේදයෙන් ශ්‍රී ලංකාවට ඇතිවිය හැකි අවදානම තක්සේරු කරන ලෙස රජයේ වෛද්‍ය නිලධාරීන්ගේ සංගමය (GMOA) සෞඛ්‍ය බලධාරීන්ගෙන් ඉල්ලා සිටියේය.
ඊයේ (21) ඩේලි මෝනිං වෙත අදහස් දක්වමින් GMOA ලේකම් වෛද්‍ය හරිත අලුත්ගේ කියා සිටියේ නව COVID-19 ප්‍රභේදයේ අවදානම තක්සේරු කිරීම සඳහා සෞඛ්‍ය අමාත්‍යාංශයේ බෝවන රෝග පිළිබඳ උපදේශක කමිටුව (ACCD) කැඳවීමට සෞඛ්‍ය අමාත්‍යාංශය පියවර ගත යුතු බවයි.
එසේම ඔහු කියාසිටියේ විශේෂිත කොවිඩ් ප්‍රභේදයේ ප්‍රතිවිපාක පිළිබඳව මහජනතාව දැනුවත් කිරීම සිදු කල යුතු අතර , රටේ වත්මන් අර්බුදකාරී තත්වය තුල මෙම කොවිඩ් තත්වය රටට ඇතුළු වුවහොත් පැවති තත්වයට වඩා සම්පූර්ණයෙන්ම වෙනස් බැවින් සෞඛ්‍ය බලධාරීන් හැකි ඉක්මනින් පියවර නොගතහොත් තත්වය සංකීර්ණ වනු ඇති බවයි.
“අපට ඇති තර්ජනය නොතකා අපි නරකම තත්වයට සූදානම් විය යුතුයි. අප දන්නා පරිදි, ලෝක සෞඛ්‍ය සංවිධානය (WHO) මෑතකදී එය 'අභිරුචියේ ප්‍රභේදයක්' ලෙස නම් කළේය. එය ‘කනස්සල්ලේ ප්‍රභේදයක්’ බවට වර්ධනය වුවහොත් අනිවාර්යයෙන්ම එය අපේ රටට ද බලපෑමක් ඇති කරයි. ඒ නිසා අපි අමාත්‍යාංශයෙන් ඉල්ලා සිටින්නේ ACCD කැඳවා මේ ගැන සාකජ්ජා කරන ලෙසයි. එවිට රෝගයේ බලපෑම සහ ඉදිරි ක්‍රියාමාර්ග පිළිබඳව ජනතාව දැනුවත් කළ හැකියි''
ඖෂධ සහ මානව සම්පත් විශාල හිඟයක් මධ්‍යයේ සමස්ත සෞඛ්‍ය ක්ෂේත්‍රයම විශාල අර්බුදයකට මුහුණ දී සිටින බැවින් මේ තත්ත්වය පිළිබඳව රජය අවධානයෙන් සිටිය යුතු බවද වෛද්‍ය අලුත්ගේ වැඩිදුරටත් පැවසීය.
පෙර නොවූ විරූ අන්දමින් යමක් සිදුවන්නේ නම් රටට අමතර වෙහෙසක් දැරීමට සිදුවනු ඇතැයි ඔහු පැවසීය.
“වෛද්‍යවරුන් සහ අනෙකුත් සෞඛ්‍ය වෘත්තිකයන් විශාල වශයෙන් නික්ම යාමේ ප්‍රතිඵලයක් ලෙස ඖෂධ හිඟය මෙන්ම මානව සම්පත් හිඟය සමඟ අපි මේ වන විට විශාල අර්බුදයකට මුහුණ දී සිටිමු. එම තත්ත්වය හේතුවෙන් තවත් වසංගතයකට මුහුණ දීමට සිදුවුවහොත් එය වඩාත් භයානක වනු ඇත. එබැවින් අවදානම මඟහරවා ගැනීමටත්, ක්ෂේත්‍රයේ පවතින අඩුපාඩු මඟහරවා ගැනීමටත් රජය විසින් පූර්වාරක්ෂාවන් ගත යුතුයි ''
-P.M
