පියයුරු සම්බන්ධ ශල්‍යකර්මයක් සඳහා නේවාසිකව සිටි රෝගියකුගේ ශල්‍යකර්මය නිසි පරිදි සාර්ථකව සිදුකර පසුව නැවත රෝගියා ප්‍රකෘති තත්ත්වයට ගැනීම සදහා ඔක්සිජන් ලබා දී ඇති අතරතුර මෙම මරණය සිදුව ඇත.
කෙසේ වෙතත් මෙම අනපේක්ෂිත මරණය සිදු වී ඇති බවට හේතුව ලෙස වාර්තා වන්නේ ඔක්සිජන් ලබා දීමේදී විශාල කාබන්ඩයොක්සයිඩ් ප්‍රමාණයක් ශරීර ගතවී රෝගියා මරණයට පත්ව ඇති බවය.
මෙහිදී ඔක්සිජන් වෙනුවට කාබන්ඩයොක්සයිඩ් ලබා දුන්නාද එසේ නොමැතිනම් කිසියම් ආකාරයකින් මෙම වායුන් දෙක සම්බන්ධ වීමක් සිදුවීම හෝ ලබා දුන් ඔක්සිජන් වල ගැටළුවක්ද යන්න පිළිබඳ විමර්ශනයක් මේ වන විට ජාතික රෝහල සිදුකරන බවත් වාර්තා වේ.
මෙම අනපේක්ෂිත මරණය සම්බන්ධයෙන් මාධ්‍යයට අදහස් දක්වමින් සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් පවසා සිටින්නේ එම මරණය වාර්තා වන්නේ ශල්‍යකර්මය සම්බන්ධ ප්‍රශ්නයක් නිසා නොවන බවත් රෝහලේ සත්කාර සේවයේ පවතින ගැටලුවක් මත සිදුව ඇති බවත්ය.
වැඩිදුටත් වෘත්තීයවේදීන්ගේ සංගමයේ සභාපති රවී කුමුදේශ් පවසා ඇත්තේ එවැනි වැරදි සිදුනොවීමට මෙම සිද්ධිය යට නොගසා සැබෑවටම සිදුව ඇත්තේ කුමක්ද යන වග හෙළිදරව් විය යුතු බවය.
නුගේගොඩ ප්‍රදේශයේ පදිංචිව සිටි හැටඑක් වියැති අවිවාහක කාන්තාවක් මෙලෙස අනපේක්ෂිත ලෙස මිය ගොස් ඇති බව රෝහල් ආරංචිමාර්ග තහවුරු කරයි.
-RS
