බැඳුම්කර සඳහා පොලිය ගණනය කරන්නේ එම අවධානම ද සලකා බවයි, ඔහු ප්‍රකාශ කළේ. එම නිසා ඔවුන් පොලිය ගැනීමේදී එම ණය මුදලත් ලබාගැනීම සිදුකර ඇතැයි ඔහු අදහස් කරයි.
එම නිසා ස්වෛරී බැඳුම්කර ණය ගෙවන්නේ නෑ යැයි අපි කිවහොත් ණය හිමියන් “හා කමක් නෑ මචං කියනවා” යැයි ද හෙතෙම සඳහන් කරයි.
තමන් ගත් ණය ගෙවන්නේ නම් ඒ සඳහා කාලයක් උවමනා බවත් කොන්දේසී පැනවීමට එකඟ නැති බවත් ජාත්‍යන්තර මූල්‍ය අරමුදලට කියන බවත් සුනිල් හඳුන්නෙත්ති ප්‍රකාශ කරයි.
ගුවන්විදුලි වැඩසටහනකට එකතු වෙමින් හෙතෙම මේ බව කීය. කො‌හොම නමුත් ජනතා විමුක්ති පෙරමුණ සහ ඔවුන්ගේ ජාතික ජන බලවේගය රටේ ආර්ථික අර්බුදය විසඳන්න යෝජනා කරන්නේ මෙවැනි විසඳුම්ය. රටේ ඩොලර් හිඟයට පිළියම ලෙස වරෙක යෝජනා කළේ තමන්ගේ පිටරට ඉන්න යාලුවන්ට ඩොලර් 500 ගානේ එවපම් මචං කිව්වාම එම ප්‍රශ්නය විසඳෙන බවය.
