අදාළ වාර්තාව තුළින් විදුලි අර්බුදයෙන් මිදීම සඳහා යෝජනා සහ නිරීක්ෂණ ඉදිරිපත් කර තිබෙන අතර ඒ පිළිබඳව මහජන උපයෝගීතා කොමිසම වෙත දැනුම්දී ඇත.
ඉන් පෙන්වා දෙන්නේ ඉහළ ගිය විදුලි ගාස්තු එලෙසම පවත්වා ගැනීමෙන් අර්බුදය තව තවත් තීව්‍ර වෙමින් පවතින බව නිරීක්ෂණය වූ බවය.
අදාළ වාර්තාව පහතින්,
මේ අතර නව විදුලි පනත හරහා මහා විදුලි අර්බුදයක් නිර්මාණය කරන බවට සඳහන් කරමින් ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ විසින් විදුලි බල සහ බලශක්ති අමාත්‍ය කංචන විජේසේකර වෙත ලිපියක් යොමුකර තිබේ.
පසුගිය දෙසැම්බර් මස 19 වනදා අමාත්‍යවරයා විසින් මන්ත්‍රීවරයා වෙත යොමුකර ඇති ලිපියට පිළිතුරු ලබාදෙමින් විමල් වීරවංශ මෙම ලිපිය යොමුකර තිබේ.
මේ හරහා මහජනයාට ද ඉතා අධික විදුලි පිරිවැයක් දැරීමට සිදුවන බවත් රටේ බලශක්ති සුරක්ෂිතතාව ද අනතුරට ලක්වනු ඇති බවත් විමල් වීරවංශ සිය ලිපිය මගින් වැඩිදුරටත් සඳහන් කර තිබේ.
මේ අතර විදුලි බල මණ්ඩලයේ වෘත්තීය සමිති නායකයින් පිරිසකට එරෙහිව කොළඹ කොටුව මහෙස්ත්‍රාත් අධිකරණය විසින් නියෝගයක් නිකුත් කර තිබේ.
එහි දැක්වෙන්නේ රන්ජන් ජයලාල් ඇතුළු අනෙක් අය ජනාධිපති ලේකම් කාර්යාලය, ජනාධිපති මන්දිරය, මුදල් අමාත්‍යංශ පරිශ්‍රය සහ මහ බැංකු පරිශ්‍රයට අද දින ඇතුළු වීමෙන් වැළකී සිටිය යුතු බවයි.
විදුලිබල මණ්ඩලය පුද්ගලික කරණය කිරීමට සැරසෙන බව පවසමින් එහි වෘත්තීය සමිති විරෝධතා ව්‍යාපාරයක් දියත් කර තිබේ.
-P.M
