පොලීසිය හා බුද්ධි අංශ එක්ව අරඹා ඇති විමර්ශනයකට අනුව මෙම පිරිස හඳුනාගෙන ඇති අතර එම පිරිසට ගිහියන්ට අමතරව
භික්ෂුන් කිහිප දෙනෙකුද සිටින බව හෙළි වී ඇත.
බෞද්ධ දර්ශනය යැයි හුවා දක්වමින් රුවන් ප්‍රසන්න නමැත්තා පොළොන්නරුව හා අම්බලන්ගොඩ ප්‍රදේශවල වසර දහයක් පමණ මිථ්‍යාව වපුරමින් පුද පූජා පවත්වා ඇතැයි හෙළි වී තිබේ.
දැනට ඔහුගේ ප්‍රධාන අනුගාමිකයන් ලෙස හඳුනාගත් තිස්දෙනෙකු ඔවුන් අන්තවාදී මතවලින් මුදාගැනීමේ වැඩපිළිවෙළක් අරඹා ඇතැයි ජ්‍යේෂ්ඨ නිලධාරියකු පැවසීය.
රුවන් ප්‍රසන්න ගුණරත්න නමැත්තාගේ පසුගියදා සියදිවි නසාගෙන මියගිය අතර ඔහුගේ අදාහනය සිදුකළ දා රාත්‍රියේ ඔහුගේ බිරිදත් දරු තිදෙනාත් සියදිවි හානි කරගෙන තිබුණි. සයනයිට් වලට සමාන විෂ කුඩක් ශරීරගත කිරීමෙන් මෙලෙස මරණයට පත් වූ බවයි වාර්තා වුයේ.
රුවන් ප්‍රසන්න ගුණරත්න නමැත්තාගේ බුදුදහම විකෘත්ති කරමින් දේශනා පැවැත්වූ අයෙකු බව පසු විමර්ශන වලදී හෙළිවිය..
මිට පෙර ඔහුගේ දේශනා වලට සහභාගී වූ පුද්ගලයින් කිහිපයක් දිවිහානි කරගෙන ඇති බව වාර්තා විය.
එසේම රුවන් ප්‍රසන්න ගේ දේශනා වලට සහභාගී වූ ඔහුගේ සමිපතයෙක් ,ඔහුගේ බිරිද සහ දරු තිදෙනාගේ මරණයට සහභාගී වූ අතර පසුව එදිනම හෝටල් කාමරයක් තුල සියදිවි නසාගෙන සිටියදී පොලිසිය විසින් මළසිරුර සොයා ගන්නා ලදී.
තවද ඔහුගේ දේශනා වලට සහභාගී වූ විශ්වවිද්‍යාල සිසුවියක්ද මෙම මරණ වලින් පසු සියදිවි නසා ගෙන තිබුණි.
-P.M
