එම දෙපාර්තමේන්තුව සඳහන් කළේ, බස්නාහිර, සබරගමුව, මධ්‍යම, ඌව, වයඹ, දකුණු සහ උතුරු-මැද පළාත්වල ඇතැම් ස්ථානවල උදෑසන කාලයේදී මීදුම් සහිත තත්ත්වයක් පැවතිය හැකි බවය.
හිමිදිරි උදෑසන කාලයේදී නුවරඑළිය දිස්ත්‍රික්කයේ ඇතැම් ස්ථානවල මල් තුහින ඇතිවීමේ හැකියාවක් පවතින බව කාලගුණවිද්‍යා දෙපාර්තමේන්තුව වැඩිදුරටත් සඳහන් කරයි.
මේ අතර නැඟෙනහිර පළාතට පසුගිය දිනවල ඇදහැලුණු අධික වර්ෂාවෙන් හානියට පත් අම්පාර – ගල්කන්ද මාර්ගය නිරීක්ෂණය කිරීමට අම්පාර දිස්ත්‍රික් පාර්ලිමේන්තු මන්ත්‍රී ඩබ්ලිව්. වීරසිංහගේ ඉල්ලීමකට අනුව ජනමාධ්‍ය, ප්‍රවාහන හා මහා මාර්ග ඇමැති ආචාර්ය බන්දුල ගුණවර්ධන ඊයේ (15) පෙරවරුවේ එක්විය.
අධික වර්ෂාව හේතුවෙන් ජයන්ති වැව පිටාර ගැලීම නිසා ජයන්ති ඇළ කිවුලේගම ප්‍රදේශයෙන් අම්පාර – ගල්කන්ද මාර්ගය හරහා ගලා යෑම නිසා මාර්ගය සම්පූර්ණයෙන්ම විනාශයට පත්ව ඇත.
මේ මාර්ගයට සිදුව ඇති විනාශය සියැසින් දැක බලාගත් ඇමැති ආචාර්ය බන්දුල ගුණවර්ධන මාර්ගය පිළිසකර කිරීමේ කටයුතු කඩිනමින් ආරම්භ කරන ලෙස මාර්ග සංවර්ධන අධිකාරියේ නිලධාරීන්ට උපදෙස් ලබා දෙන ලදි.
එමෙන්ම ජල ගැලීම නිසා ප්‍රදේශයේ ජනතාවට ඇතිවී ඇති හානිය පිළිබඳව අවධානය යොමු කළ ඇමැතිවරයා ඔවුන්ගේ ගම්බිම් නැවත යථා තත්ත්වයට පත්කර ගැනීම සඳහා මාර්ග සංවර්ධන අධිකාරියේ සම්පත් ලබා දෙන ලෙසද මාර්ග සංවර්ධන අධිකාරියේ නැඟෙනහිර පළාත් අධ්‍යක්ෂවරයා වෙත උපදෙස් ලබා දෙන ලදි.
-P.M
