මහජන ආරක්ෂක අමාත්‍ය ටිරාන් අලස් විසින් මාර්ගගත ක්‍රමවල සුරක්ෂිතභාවය පිළිබඳ පනත් කෙටුම්පත පළමු වර කියවීම සඳහා පසුගිය දා පාර්ලිමේන්තුවට ඉදිරිපත් කළේ ය.
ඒ, පාර්ශ්ව රැසක් මේ පනත් කෙටුම්පත පිළිබඳව දැඩි විරෝධයක් එල්ල කරන පසුබිමක් තුළයි.
පනත් කෙටුම්පත අද සහ හෙට විවාදයට ගන්නා බව කතානායක මහින්ද යාපා අබේවර්ධන පැවසීය.
ශ්‍රේෂ්ඨාධිකරණය ඉදිරිපත් කළ සංශෝධනයන්ට යටත්ව මාර්ගගත ක්‍රමවල සුරක්ෂිතභාවය පිළිබඳ පනත් කෙටුම්පතට මාධ්‍ය, තාරුණ්‍ය, උරුමය හා නූතන පුරවැසියා පිළිබඳ ආංශික අධීක්ෂණ කාරක සභාවේ අනුමැතිය ද හිමි විය.
නමුත් කාරක සභාව නියෝජනය කරන සමගි ජනබලවේගයේ මන්ත්‍රීවරුන් අවධාරණය කර තිබුණේ, කෙටුම්පත තවදුරටත් අධ්‍යයනය කිරීමට කාලය අවශ්‍ය බැවින් සම්මත කර ගැනීම කල් දැමිය යුතු බවයි.
පාර්ලිමේන්තුව අද (23) පෙරවරු 09.30 ට රැස්වීමට නියමිත වේ.
මෙම පනත් කෙටුම්පත සම්මත කිරීම සඳහා හෙට ඡන්ද විමසීමක් ද පැවැත්වෙනු ඇති.
-P.Mමතභේදයකට තුඩු දුන් Online Safety පනත් කෙටුම්පත අද පාර්ලිමේන්තු විවාදයට
