මෙම ජනවාරී මාසයේ සිට DAT දීමනාව ලබා දීමට රජය එකඟව සිටියද ඒ තාවකාලිකව අත්හිටුවීමට රජය තීරණය කර තිබිණි. මේ තත්වයන් මත වෛද්‍යවරුන් යළි වෘත්තීය ක්‍රියාමාර්ගයකට අවතීරණය වීමේ අවදානමක් මතුව තිබිණි.
එසේම සෙසු සෞඛ්‍ය වෘත්තීය සමිති වැටුප් වර්ධකය ලබා නොදීමට එරෙහිව දීප ව්‍යාප්ත වැඩ වර්ජනයක් ආරම්භ කළ ද පසුව ජනාධිපතිවරයා ඇතුළු අදාළ බලධාරීන්ගේ මැදිහත්වීමෙන් එම තත්වය පහව ගොස් ඇත.
කෙසේ වෙතත් මුදල් අමාත්‍යාංශයේ ඇතැම් නිලධාරීන්ගේ අත්තනෝමතික හැසිරීම පරාජයට පත් කරමින් වෛද්‍යවරුන්ට ලැබිය යුතු සාධාරණය ඉටු කිරීමට මැදිහත් වූ ජනාධිපතිවරයා ඇතුළු බලධාරීන්ට GMOA මහා කමිටුව විසින් කෘතඥතාවය පළ කරයි.
