සෞඛ්‍ය වෘත්තීය සමිති සන්ධානයේ සමකැඳවුම්කරු රවී කුමු‍දේශ් පැවසුවේ, වෛද්‍යවරුන්ට ලබාදුන් රු. 35,000 දීමනාව තමන්ට ද ලබා දෙන්නැයි ඉල්ලමින් සෞඛ්‍ය වෘත්තීය සමිති මෙම වැඩ වර්ජනයට එක්වන බවයි.
ඊට අදාළව මීට පෙර ද වැඩ වර්ජනයක නිරත වුවත් ඔවුන්ගේ ඉල්ලීම්වලට රජය කිසිදු ප්‍රතිචාරයක් නොදැක්වීම හේතුවෙන් මේ පියවර ගන්නා බව ඔහු වැඩිදුරටත් සඳහන් කළේ ය.
කෙසේ වෙතත් අද පැවැත්වෙන සෞඛ්‍ය වර්ජනය සඳහා සමස්ත ලංකා හෙද සංගමය සහය නොදෙන බව එම සංගමයේ සභාපති රවින්ද්‍ර කහඳවආරච්චි පැවසීය.
ඔහු මේ බව පැවසුවේ, ඊයේ පස්වරුවේ මල්වතු මහා විහාරයට පැමිණීමෙන් අනතුරුව මාධ්‍යයට අදහස් දක්වමිනි.
-P.M
