කෘෂිකර්ම සහ වැවිලි කර්මාන්ත අමාත්‍යවරයා විසින් අමාත්‍යාංශ ලේකම්වරයාට දැනුම් දී ඔවුන් ඉවත් කිරීමට පියවර ගෙන ඇති අතර මහ කන්නයේ බඩ ඉරිඟු වගාවට බීජ, පොහොර සහ බිම් සැකසීම සඳහා දිස්ත්‍රික්ක පහකටම වෙන් කරන ලද මුදල් ලබා නොදීම හේතුවෙන් මහින්ද අමරවීම අමාත්‍යවරයා ඉහත පියවර ගෙන ඇත.
එමෙන්ම සමහර ප්‍රදේශවලට මේ වනතුරුත් බඩ ඉරිඟු බීජ සහ අදාල මුදල් ලබාදී නැතැයිද ඇතැම් ප්‍රදේශ වලට දුන් බඩ ඉරිඟු බීජ ප්‍රමිතියෙන් තොර බවද ඒ සම්බන්ධයෙන් කළ විමර්ශනයේදී හෙලිතදරව් වී තිබේ.
හම්බන්තොට,අනුරාධපුර,මොණරාගල, අම්පාර සහ බදුල්ල දිස්ත්‍රික්ක වල ගොවීන්ට බඩ ඉරිඟු වගාව වෙනුවෙන් රජයේ රුපියල් බිලියන දහයක මුදලක් වෙන් කර තිබූ බව කෘෂිකර්ම අමාත්‍යංශය කියයි.රජයෙන් වෙන් කළ මුදල් ප්‍රතිපාදන ගොවීන්ට ලබාදීම ප්‍රමාද වීම නිසා ඔවුන්ට රන් බඩු ආදිය උකස් කර වගා කටයුතු කරන්නට සිදුවී තිබූ බවට කෘෂිකර්ම අමාත්‍යංශයට පැමිණිලි ලැබී තිබිණි.
