ඒ අනුව 2023 වසරේ ජනවාරි මාසයට සාපේක්ෂව සියයට 38 ක ( ක්ෂේත්‍ර දෙකෙහි එකතුව ඩොලර් මිලියන 600) වර්ධනයක් වන අතර 2022 වසරට සාපේක්ෂව සියයට 102 ක (ක්ෂේත්‍ර දෙකෙහි එකතුව ඩොලර් මිලියන් 41) වර්ධනයක් පෙන්නුම් කර ඇත. පසුගිය දෙසැම්බර් මාසය තුළදිත් ඩොලර් මිලියන 800 ඉක්මවා තිබිණි. සාමාන්‍යයෙන් දෙසැම්බර් ජනවාරි මාස වල විදේශ ප්‍රේශන ලැබීම් වල අඩුවක් ‌දකින්නට ලැබුණත් පසුගිය වසර කිහිපය හා සැසදීමේදී ඉහළ වර්ධනයන් අත්පත් කරගෙන ඇත.

විශේෂයෙන්ම පසුගිය ජනවාරියේ විදේශ සංචාරකයන්ගේ පැමිනීමේ ඉහළ වර්ධනයක් ඇතිව තිබිණි. එමෙන්ම පෙබරවාරි මාසයේ ගෙවුනු දින කිහිපයේදී එම වර්ධනාත්මක තත්වය තවදුරටත් ඉහළ ගොස් තිබිණි. ඒ අනුව පෙබරවාරි මාසයේ පළමු දින 8 තුල 60,000 කට අධික සංචාරකයන් පැමිණ තිබිණි.
කෙසේ නමුත් 2018 සිට 2020 වසර වල ජනවාරි මාසයේ සංචාරක ඉපැයීම් ඩොකර් මිලියන 450 කට ආසන්න මටට්ම වල පැවැති අතර මෙම වසරේ ආදායම ඩොලර් මිලියන 342 ක පමණ වෙයි.

ඒහෙත් මේ වන විට කෙටි කාලයක් තුළ සංචාරකයන්ගේ පැමීණිමේ සීග්‍ර වර්ධනයත් සමඟ ඔවුන්ට නවාතැන් පහසුකම් සැපයීමේ අසීරුතාවයකට සංචාරක ක්ෂේත්‍රය මුහුණ පා තිබෙන බවත් වාර්ථා වෙයි. පසුගිය කාලයේ කොවිඩ් තත්වයන් හා ආර්ථික අර්බුද නිසා එම ක්ෂේත්‍රය අර්බුදයකට ලක් වීම නිසා කර්මාන්තයෙන් බොහො පිරිසක් ඉවත් වීම සිදු විය. නවාතැන් පහසුකම් අවම වීමට ද එය හේතුවක් තිබිණි. තවමත් මෙම ක්ෂේත්‍රය යථා තත්වයට පත් වීම සෙමින් සිදු වෙමින් තිබේ.