අකුණු පහරත් සමග එම ඒකකයේ තිබු විදුලි බලයෙන් ක්‍රියාත්මක වන සියලුම උපකරණ විනාශ වී ඇති අතර අකුණු පහර නිසා ඇති වූ ගින්නෙන් ගොඩනැගිල්ලට ද හානි සිදුවී තිබේ.
මේ සම්බන්ධව සොයා බැලීම සඳහා කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා එම රෝහලට සිදු වූ හානිය සොයා බැලීම සඳහා එහි ගියේය.
අකුණු පහර නිසා හදිසි ප්‍රතිකාර ඒකකයට සිදු වූ හානිය රුපියල් මිලියන 50ක් පමණ වේ යැයි මේ වනවිට ගණන් බලා තිබේ.
මෙම සිද්ධිය සම්බන්ධව කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා දකුණු පළාත් ආණ්ඩුකාර ලක්ෂ්මන් යාපා අබේවර්ධන මහතා සමග දුරකථනයෙන් සාකච්ඡා කළ අතර මෙම හදිසි ප්‍රතිකාර ඒකකය ප්‍රතිසංස්කරණය සඳහා මුදල් ලබා දීමටත්, ආණ්ඩුකාරවරයා එම රෝහල නිරීක්ෂණය කිරීමටත් නියමිත බව අමාත්‍ය මහින්ද අමරවීර මහතා සඳහන් කළේය.
අකුණු පහර වදින අවස්ථාවේ එම ඒකකයේ රෝගීන් තිදෙනෙක් ප්‍රතිකාර ලබමින් සිටි අතර ඔවුන්ට හානියක් සිදුවී නැත.
නමුත් ඇති වූ ගින්න නිසා එම රෝගීන් එළියට ගැනීම සඳහා මහත් පරිශ්‍රමයක් දැරීමට රෝහල් කාර්ය මණ්ඩලයට සිදු වූ බව එම කාර්ය මණ්ඩලය අමාත්‍යවරයා සමග පැවසීය.
මේ අතර නිට්ටඹුව තිහාරිය ප්‍රදේශයේ දී විදුලිසැර වැදීමකින් පුද්ගලයෙකු මියගොස් තිබෙනවා.
අවමඟුල් උත්සවයක් වෙනුවෙන් මාර්ගය දෙපස ආලෝකමත් කිරීමට විදුලි බල්බ සවි කිරීමට කටයුතු කරමින් සිටිය දී මෙම අනතුර සිදුව තිබෙනවා.
එහිදී එම ස්ථානයේ සිටි පස් දෙනෙකුට පමණ විදුලි සැර වැදී ඇති අතර, එයින් එක් අයෙකුයි මෙලෙස ජීවිතක්ෂයට පත්ව ඇත්තේ.
මේ අතර සපුගස්කන්ද පිහිටි තෙල් පිරිපහදුවේ (කුළුණට) ගෑස් සපයන නලයකට ඊයේ (12) සවස අකුණු සැර වැදීම නිසා ගින්නක් හටගත් බවයි සපුගස්කන්ද තෙල් පිරිපහදු ආරංචි මාර්ග සඳහන් කළේ.
ඊයේ (12) පස්වරු හතරහමාරට පමණ දැඩි වර්ෂාවත් සමඟ මෙම අකුනු සැර වැදී ඇති අතර අකුණත් සමඟ ගින්නක් හටගෙන ඇති බවයි වාර්තා වුනේ.
සිද්ධිය සැලවීමත් සමඟ සේවකයන් පැමිණ ගින්න නිවා දැමීමට අවශ්‍ය කටයුතු කර ඇත ගින්නෙන් කිසිවෙකුටත් තුවාල හෝ ජීවිත හානි සිදුවී නොමැත .
