මහ බැංකු අධිපතිවරයා මේ බව පැවසුවේ, ශ්‍රී ලංකාවේ මූල්‍ය සාක්ෂරතාව පිළිබඳ මාර්ගෝපදේශ සංග්‍රහය එළිදැක්වීමේ අවස්ථාවට එක්වෙමින්. ශ්‍රී ලංකාවේ මූල්‍ය සාක්ෂරතාව පිළිබඳ මාර්ගෝපදේශ සංග්‍රහය (ශ්‍රී ලංකාවේ මූල්‍ය සාක්ෂරතාව පිළිබඳ මාර්ගෝපදේශ සංග්‍රහය Link ) එළි දැක්වීම අද සිදු කෙරුණා.ඒ, මහ බැංකු අධිපති ආචාර්ය නන්දලාල් වීරසිංහගේ ප්‍රධානත්වයෙන්.
එහි දී අදහස් දැක් වූ මහ බැංකු අධිපතිවරයා ''මූල්‍ය සාක්ෂරතාව මගින් මූල්‍ය ආයතන අප නියාමනය කිරීම වෙනුවට එම ආයතනවලින් අවශ්‍ය සේවා විනිවිදභාවයෙන් යුතුව සහ කාර්යක්ෂමව ලබා ගැනීම සඳහා පාරිභෝගිකයින්ට ප්‍රවේශය සැලසෙනවා. මූල්‍ය සාක්ෂරතාව ප්‍රවර්ධනය තුළින් පාරිභෝගිකයින්ට තමන්ව මූල්‍ය වංචාවලින් සහ මූල්‍ය අපයෝජනවලින් ආරක්ෂා කරගැනීමට අවස්ථාව ලැබෙනවා. මූල්‍ය සේවාවලට ප්‍රවේශය සැලසීම තුළින් ජනතාවට අනාගතය වෙනුවෙන් ඉතිරි කිරීමටත්, ආයෝජන අවස්ථා වෙත ප්‍රවේශයටත්, ඔවුන්ගේ මූල්‍ය කටයුතු යහපත්ව කළමනාකරණය කිරීමටත් හැකියාව ලැබෙනු ඇති. මෙම මාර්ගෝපදේශ සංග්‍රහය මගින් ප්‍රතිපත්ති සම්පාදකයින්ට මග පෙන්වනවා විතරක් නෙමෙයි, එමගින් අපේ සහෝදර ශ්‍රී ලාංකිකයින්ට යහපත් සහ මූල්‍ය වශයෙන් ශක්තිමත් අනාගතයකට මග පෙන්වනවා. මූල්‍ය සඳහා වන ප්‍රවේශය වැඩිදියුණු කිරීම සඳහා එක්සත් ජාතීන්ගේ සංවර්ධන වැඩසටහන ශ්‍රී ලංකාවේ රජය සමග තවදුරටත් එක්ව කටයුතු කිරීමට සූදානම් බව මම අවධාරණය කරන්න කැමතියි.''
