මෙරට එක්සත් ජනපද තානාපතිනි ජුලී චුන්ග් නිල ට්විටර් පණිවුඩයක් නිකුත් කරමින් ශ්‍රී ලංකාවේ එක්සත් ජනපද තානාපති කාර්යාලය නියෝජ්‍ය සහකාර ලේකම් රොබට් කප්‍රෝත්ගේ ඉදිරි සංචාරය හෙළි කර ඇත.
කප්‍රෝත්ගේ සංචාරයේදී මූල්‍ය අංශයේ ශ්‍රී ලංකා රජයේ නිලධාරීන්, මූල්‍ය ක්ෂේත්‍රවල ප්‍රධානින් සහ බුද්ධි මණ්ඩප නියෝජිතන් සමඟ සාකච්ඡා කිරීමට නියමිතය.
2022 වසරේ ඔක්තෝබර් මාසයේදී ද මෙරටට පැමිණි රොබට් කප්‍රෝත් මහතා ජනාධිපති රනිල් වික්‍රමසිංහ මහතා හමුවිය.
ඒහිදී ජාත්‍යන්තර මූල්‍ය අරමුදල (IMF) සමඟ ඇති කර ගත් ගිවිසුමට අනුව ආර්ථික ප්‍රතිසංස්කරණ ක්‍රියාත්මක කිරීමට ශ්‍රී ලංකාවේ සැලසුම් පිළිබඳව එක්සත් ජනපද නියෝජ්‍ය භාණ්ඩාගාර සහකාර ලේකම්වරයා ජනාධිපතිවරයා සහ රජයේ නියෝජිතයන් සහ මුල්‍ය ක්ෂේත්‍රයේ ප්‍රධානින් සමඟ ශ්‍රී ලංකාවේ ආර්ථික ප්‍රකෘතිය පිළිබඳ ඉදිරි ගමන පිළිබඳව සාකච්ඡා කර තිබිණි.
එමෙන්ම මේ අතර තුර කාලයේදී තවත් අවස්ථා ගනනාවකදී මෙරට ප්‍රධානින් සමඟ ඔහු මෙරට ආර්ථික ප්‍රකෘත්තිය සම්බන්ධයෙන් අදහස් හුවමාරු කරගෙන තිබිණි.
