වයස 23 න් පහළ පළමු පෙළ තරගාවලිය සදහා කණ්ඩායම් 14 ක් ක්‍රීඩාකරනු ලබන අතර ඒ ඛාන්ඩ දෙකක් යටතේයි. මෙම තරගාවලිය සදහා රුපියල් මිලියන 23 ක් වැයවෙතැයි සදහන්.
ක්‍රිකට් ආයතනය සකස්කර ඇති අය වැය වාර්තාවට අනුව එය රුපියල් 23,332,850 ක් ලෙස දැක්වෙන අතර මේ අතර ක්‍රිකට් ආයතනය වයස 23 න් පහළ දෙවන කොටසේ තරගාවලියක්ද පවත්වනු ලබයි. ඊට සහභාගී වීමට නියමිත කණ්ඩායම් සංඛ්‍යාව 22 කි.
ඛාන්ඩ 03 ක් යටතේ ඔවුන් ක්‍රීඩා කරනු ලබන අතර ඒ සදහා ක්‍රිකට් ආයතනය රුපියල් මිලියන 21 ක් වැයවන බව පැවසේ. එහෙත් ක්‍රිකට් ආයතනයේ අය වැය ලේඛනයේ දැක්වෙන්නේ රුපියල් 21,808,495 ක් ඒ සදහා වැයවන බවයි.
මේ අනුව තරගාවලි දෙකෙන් ක්‍රිකට් ආයතනයට අහිමිවන මුදල රුපියල් මිලියන 44 කි. ක්‍රිකට් ආයතනයේ අලෙව් අංශයේ නිලධාරිනියන් රැසක් සේවය කරන අතර ඔවුන් සියළුදෙනා රුපියල් ලක්ෂ දෙකකට ආසන්න වැටුපක් ලබන අතර පසුගියදා නවක නිලධාරිනියක්ද අලෙවි අංශය සදහා බදවාගත්තේ අනුග්‍රාහකයින් සදහා සහයවීමටයි. එහෙත් මේ කිසිදු නිලධාරිනියක් නිසි ලෙස සේවය නොකිරීම හේතුවෙන් ක්‍රිකට් ආයතනයට ආධායමක් හිමිව නැත.
කෙසේ වෙත්ත මෙවන් තරගාවලි පැවැත්වීම තුලින් ශ්‍රී ලංකා කණ්ඩායමට නවක ක්‍රීඩකයින් හදුනාගැනීමට සහ ඔවුන්ට අත්දැකීම් ලබාදීමට හැකිවෙතත් එය ක්‍රිකට් ආයතනයට බරක් නොවන ලෙස පවත්වාගෙන යා යුතුව ඇත.
source - freehit
