ඒ අනුව එක්සත් ජාතික පක්ෂයේ 15 වැනි මහලේකම්වරයා ලෙස පාර්ලිමේන්තු මන්ත්‍රී කබීර් හෂීම් මහතා අද (10දා) සිරිකොත මූලස්ථානයේදී වැඩ භාරගැනීම සිදු විය.

එජාප නව මහලේකම් ලෙස අද (10දා) වැඩ බාරගැනීමෙන් අනතුරුව කබීර් හෂීම් මහතා තිස්ස අත්තනායක මහතාට අභියෝගයක් ලබාදුන්නේය.

"ආණ්ඩුවෙන් ආපු මහ ලේකම් වත්කම් බැරකම් ඉදිරිපත් කළා. අපෙන් ගිය මහලේකම්ට මම අභියෝක කරනවා වත්කම් හා බැරකම් ඉදිරිපත් කරන ලෙසට" යැයි කබීර් හෂීම් මහතා පැවැසීය.

පක්ෂයේ සභාපතිවරයා වශයෙන් කටයුතු කළ කබීර් හෂීම් මහතා මහලේකම්වරයා ලෙස පත්වීමත් සමග පක්ෂයේ සභාපති තනතුර පුරප්පාඩු වී තිබෙන අතර, එම තනතුරට පුද්ගලයෙකු පත්කිරීම ඉදිරියේදී සිදුවීමට නියමිතය.

{soundcloud}https://soundcloud.com/lankadaily/kabir-hashim{/soundcloud}