මෙලෙස අනතුර ලක්වී ඇත්තේ ගුවන් හමුදාවට අයත් ඒ එන් 32 වර්ගයේ ගුවන් යානයක් බව ගුවන් හමුදා විධායක මාධ්‍ය නිලධාරී ගිහාන් සෙනෙවිරත්න මහතා පැවසුවේය. මෙය සැහැල්ලූ වර්ගයේ මගී ගුවන් යානයක් බවද ඔහු සදහන් කළේය.
අධික මීදුම තත්ත්වය හේතුවෙන් යානයේ ගමන් මග අපැහැදිලි බවට එහි නියමුවන් අවසන් වරට දැනුම් දී ඇතැයි ගුවන් හමුදා මාධ්‍ය ප්‍රකාශකවරයා සඳහන් කළේය.
ඉන් විනාඩි කිහිපයකට පසු යානය සමඟ තිබු සබඳතා බිදවැටී ඇත.
මේ අතර අනතුරින් දැඩි පිළිස්සුම් තුවාල ලැබ බේරාගනු ලැබූ එක් අයෙකු මේවන විට කොළඹ ජාතික රෝහලට ඇතුළත් කර තිබේ.
ගුවන්යානය කඩාවැටීමෙන් අවට නිවාසයකටද හානි සිදුව ඇත.
යානය කඩාවැටීමත් සමග එය හදිසියේ ගිනිගෙන ඇත.
ඡායාරූප-රවීන්ද්‍ර පුෂ්පකුමාර
