බොරැල්ලේ දේශ හිතෛෂී ජාතික බලවේග මෙහෙයුම් මධ්‍යස්ථානය 16 වන දා විවෘත කිරීමෙන් අනතුරුව පැවැති මාධ්‍ය හමුවේදී ඔහු මෙම කාරණය අවධාරණය කළේය.
'' මේ රටේ ඉරණම විසඳන තීරණාත්මක ඡන්දයක් ලෙස මෙම ජනපතිවරණය පෙන්වාදිමට හැකිය. වැරදිලාවත් ජනපති මහින්ද රාජපක්ෂ මහතා පරාජයට පත්වුවහොත් රට අරාජිකවීමට ඉඩ තිබෙනවා.
මේ රට අභ්‍යන්තරයේ පැනනැගෙන ප්‍රශ්න මේ රට තුළදීම විසඳා ගැනීමට පුළුවන්. ඒත් ජිනීවා සමුලුවට සම්බන්ද වෙනත් රටවල් අතර යම් ප්‍රශ්නයක් ඇති වුවොත් ඒ ප්‍රශ්න විසඳුම් සෙවීම හරිම දුෂ්කරකාර්යක් බවට පත්විමට ඉඩ තිබෙනවා. මේ නිසා මෙම කුමන්ත්‍රණකරුවන්ගෙන් රට මුදවා ගැනීමට නම් විජාතික බලවේග පරාජය කළ යුතුයි.
විජාතික බලවේගවල කුමන්ත්‍රනකරුවන්ගේ ග්‍රහණයට හසුවූ චන්ද්‍රිකා, රනිල්, මෛත්‍රී කණ්ඩායම ජනතාව නොමග යවා පාලන බලය අතට ගැනීමට සූදානම් වෙනවා'' යයි ද අමරසේකර මහතා පැවසිය.
