මෙසේ දින වෙනස් වුයේ මෛත්‍රීපාල සිරිසේන මහතාගේ මැතිවරණ ප්‍රකාශනයට අනුව ජනාධිපති ප්‍රතිපත්ති ප්‍රකාශනය සංශෝධනය කරන නිසාදැයි මාධ්‍යවේදීයකු කළ විමසීමකදී අමාත්‍යවරයා පැවසුයේ මහින්ද චින්තනය මැතිවරණයෙන් මැතිවරණයට වෙනස් නොවන එකකට එකක් බැඳුණු ප්‍රතිපත්තියක් නිසා කිසිම හේතුවක් මත සංශෝධනය අවශ්‍ය නොවන බවයි.
එහෙත් තුන්කල් දැක්ම ප්‍රතිපත්ති ප්‍රකාශනය පි‍ටු 64කින් යුක්තව ටැබ්ලොයිඩ් ප්‍රමාණයෙන් පිටපත් ලක්ෂ 20 ක් මුද්‍රණය කිරීම සඳහා පසුගියදා මුද්‍රණාල කිහිපයකටම ඇනවුම් බාර දී තිබිණි. නමුත් මෛත්‍රීපාල සිරිසේන මහතාගේ ප්‍රතිපත්ති ප්‍රකාශනය තුල ඇති කරුණු ගනනාවක්ම තුන්කල් දැක්මේ අඩංගුවීම නිසා මේ හදිසියේම වෙනස් කිරීමට සිදුව තිබෙන බව ජනාධිපතිවරණ මෙහෙයුම් කමි‍ටු ආරංචි මාර්ග සඳහන් කරයි.
එමෙන්ම මෛත්‍රීපාල මහතාගේ ප්‍රතිපත්ති ප්‍රකාශනය තමන්ගේ අයවැය කොපි කිරීමක් බව ජනාධිපතිවරයා ප්‍රසිද්ධියේම පැවැසීම නිසා ඊට එරෙහිව විවෙචනයක් ගොඩ නැඟීමට තිබු අවස්ථාද ජනාධිපතිවරයාම අහිමි කොට ගෙන ඇති බවත් මේ නිසා ඊට එහා ගිය පොරොන්දු කන්දරාවක් නව සංශෝධිත තුන්කල් දැක්මට අඩංගු කෙරෙන බවත් දැන ගැනීමට තිබේ.
එසේම ලබන 23 හා 24 වන දින තැපැල් ඡන්ද විමසිම සිදුවන නමුත් සන්ධාන පාක්ෂිකයින්ට මහින්ද රාජපක්ෂ ජනාධිපතිවරයාගේ තුන් කල් දැක්ම නොබලාම ඡන්ද පාවිච්චි කිරීමට සිදුව තිබේ.
