එම පක්ෂයේ මහ ලේකම්වරයා වන ආනන්ද සංගරී මහතා විසින් මාධ්‍ය නිවේදනයක් නිකුත් කරමින් මේ බව සඳහන් කර ඇත.
ඉදිරි ජනාධිපතිවරණය සඳහා පොදු අපේක්ෂක මෛත්‍රීපාල සිරිසේන මහතාට සම්පුර්ණ සහයෝගය දැක්වීමට යාපනය ප්‍රදේශයේ පැවති පක්ෂ රැස්වීමකදී ඒකමතිකව තීරණය කළ බව එම මාධ්‍ය නිවේදනයේ සඳහන් වෙයි.
බලයේ සිටි විවිධ ආණ්ඩු ද්‍රවිඩ ජනතාවගේ ප්‍රශ්න සඳහා විසඳුම් ලබා නොදුන් බවත්, සමස්ථ රටේ යහපාලනය උදෙසා විවිධ පක්ෂ සහ සංවිධාන එකතු වී ගත් ප්‍රතිපත්තිමය තීරණයට රටේ සෑම ද්‍රවිඩ ජාතිකයෙකුම පොදු අපේක්ෂක මෛත්‍රීපාල සිරිසේන මහතාට සහයෝගය පළ යුතු බව සංගරී මහතා පෙන්වා දෙයි.
පොදු අපේක්ෂක මෛත්‍රීපාල සිරිසේන මහතාගේ ප්‍රතිපත්ති ප්‍රකාශනයට තමන් ඇතුළු පිරිස විශ්වාසයක් තබා ඇති බවත්, රටේ සමස්ථ එකීයභාවට උදේසා එළඹෙන ජනාධිපතිවරණයේදී ඒ මහතාට සහය පළ කිරීමට තීරණය කළ බව එම මාධ්‍ය නිවේදනයේ වැඩිදුරටත් සඳහන් වෙයි.
ආනන්ද සංගරී මහතා පසුගිය කාලයේ පෙනි සිටියේ රාජපක්ෂ රජය වෙනුවෙනි. එල්ටීටීඊ විරෝධියකු වූ ඒ මහතා බොහො අවස්ථාවලදී රාජපක්ෂ රජය ආරක්ෂා කිරීමට ඉදිරිපත් වූ අතර දෙමල ජාතික සන්ධානය සමඟ ගැ‍ටුම් ඇති කර ගැනීමද සිදුවිය.
ආනන්ද සංගරී මහතා සිය 81 වැනි උපන්දිනය සැමැරූ පසුගිය ජුනි(15) තම දේශපාලන ජීවිතයෙන් විශ්‍රාම ගත්තේය.
