ද්විත්ව පුරවැසිභාවය ලබා දෙන බවට කරනු ලබන ප්‍රචාරය නිසා 31 වැනිදා සිට බොහෝ පිරිස්‌ ආගමන විගමන දෙපාර්තමේන්තුවේ පුරවැසි අංශයට පැමිණ හිස්‌ අතින් ආපසු හැරී යන අයුරු දක්‌නට ලැබිණි.
ද්විත්ව පුරවැසිභාවය හිමිව තිබෙන්නේ ගුණරත්නම්ට පමක්ද යැයි විමසමින් තමන් අපහසුතාවට පත්කිරීම සම්බන්ධව ඔවුන් දොස්‌ පවරමින් ආපසු හැරීයන බවද මේ නිසා තමන්ද දැඩි අපහසුතාවට ලක්‌ව සිටින බවද ආගමන විගමන දෙපාර්තමේන්තුවේ නිලධාරීහු පිරිසක්‌ පැවසූහ.
ද්විත්ව පුරවැසිභාවය අපේක්‍ෂා කරන විදෙස්‌ පුරවැසිභාවය ගත් ශ්‍රී ලාංකිකයන්ට ඒ ඉල්ලුම් කිරීමට අදාල ඉල්ලුම් පත්‍රය සකස්‌ කළ යුත්තේ ආරක්‍ෂක අමාත්‍යාංශය විසින් නමුත් තවම එවැන්නක් ආගමන විගමන දෙපාර්ත්මේන්තුව වෙත එවා නැත.
ද්විත්ව පුරවැසිභාවය හිමි නොමැති කිරිවකුට මෙරට ආගමන විගමන නීති අනුව දෙශපාලන කටයුතුවල යෙදීම රැස්වීම වලට සම්බන්ධ වීම තහනම්ය. මිට පෙර ඒවැනි කටයුතුවලට සම්බන්ධ වූවන් අත් අඩංගුවට ගෙන යළි මෙරටින් පිටත් කිරීමට කටයුතු කෙරෙනි. වරක් ලෝ ප්‍රකට කිවිවර ජෙයපාලන් කවියාවද මෙරටින් නෙරපන ලද්දේ කැනඩාවේ පුරවැසි භාවය හිමි පුද්ගලයකු වව්නියාවේදී පුවත්පත් සාකච්ඡාවක් පැවැත්වූ බවට චෝදනා කරමිනි.
එහෙත් පෙර‍ටුගාමී සමාජවාදී පක්ෂයේ නායකයා යැයි කියන කුමාර් ගුණරත්නම් ඕස්ට්‍රේලියාවේ පුවැසියකු වන අතර තවම ඔහුට ශ්‍රීලංකාවේ පුරවැසිභාවය ලබා දී නැත. එහෙත් ඔහු බාධාවකින් තොරව මෙරට දේශපාලන ක්‍රියාවලියට සම්බන්ධව සිටී.
