පසුව ඒ උණුසුම් තත්වයක් ඇති විය. කෙසේ නමුත් අවසානයේ පොලීසියේ නියෝග ප්‍රකාරව එම වැඩ සටන පැවැත්වුණු බව වාර්තාවේ. වීදියේ විරෝධය කණ්ඩායමේ ප්‍රකාශකයකු පැවැසූවේ අපි මහජනයා අතරට ආවේ මෙරටේ ප්‍රජාතන්ත්‍රවාදය තහවුරු කිරීම සඳහා ගතයුතු ක්‍රියා මාර්ග ගැන සංවාදයකට බවත් එහිදී පොලීසිය අපට අවසර නොදෙනවා නම් යුක්තිගරුක සාමකාමී පුරවැසියන් ලෙස අපගේ ලැබුණු අවසරය ප්‍රකාරව කරගෙන යන බවත්ය.
එම කණ්ඩායමේ ප්‍රකාශයකින් පැවැසුනේ,
සිවිල් හා බහුජන සංවිධාන 112 එක්ව සැකසූ ප‍්‍රජාතන්ත‍්‍රවාදී ප‍්‍රතිසංස්කරණ යෝජනා පිළිබදව මහජනයා දැනුවත් කිරීමත්, ඔවුන් ධෛර්ය සම්පන්න කිරීමත් සදහා පසුගිය නොවැම්බර් 25 වන දින ආරම්භ කළ වියරුවට එරෙහිව වීදියේ විරෝධය ඉතා සාර්ථකව දිස්ති‍්‍රක්ක ගණනාවක පැවැත්වීමට හැකි වූ බවය.
'එප්පාවල හා හම්බන්තොට දී ආණ්ඩුවේ මැර දේශපාලණඥයන් වියරුවෙන් ජයතිලක බණ්ඩාර ඇතුලූ අප සංවිධායකයින්ට පහරදී තුවාල සිදුකර මරණීය තර්ජනයන් කරනු ලැබුවත්, අපව නැවැත්වීමට එම මැරයන්ට හැකි නොවූ අතර, ඉන් මෙම ව්‍යාපාරයට නව පන්නරයක් ලබා ගැනීමට හැකි විය.
වීදියේ විරෝධයේ අවසාන වැඩසටහන් අද හලාවත හා මීගමුව නගරයේ දී පැවැත් වෙන අතර ජනවාරි 05 කොළඹ මහජන පුස්තකාල ශ‍්‍රවනාගාරයේ දී පැවැත්වෙන සිවිල් සාමාජ නියෝජිත සමුලූවෙන් පසුව එදිනම සවස 3 කොළඹ කොටුව දුම්රිය පොළ ඉදිරිපිට දී විදියේ විරෝධය අවසාන වැඩසටහන පැවැත් වේ.'
