මෙම සමුළුව සඳහා මාලබේ පෞද්ගලික වෛද්‍ය විදාලයේ මුදල් එම හිමිකරුවා වියදම් කරන්නේ ඔහු මහින්ද රාජපක්ෂගේ අතිශය සමීප මිතුරකු මෙන්ම මෙම ප්‍රමිතියකින් තොර ආයතනය නීත්‍යානූකූල කරවා ගැනීම සඳහා වෛද්‍යවරුන්ගේ සහය ලබා ගැනීම වෙනුවෙනි. මේ වන විට රජයේ වෛද්‍ය නිලධාරීන්ගේ සංගමය ශිෂ්‍ය ව්‍යාපාර මෙන්ම විපක්ෂ දෙශපාලන පක්ෂ ගනනාවක් මෙම ආයතනය පිහි‍ටුවීමට එරෙහිව සිටී,
රාජපක්ෂවරු අධ්‍යාපනය පෞද්ගලික කරනය කිරීමේ මූලික පියවරක් ලෙස මෙම වෛද්‍ය විද්‍යාලය පිහි‍ටුවීමට ඉඩ ලබා දුන්නේය.
හෙට පැවැත්වෙන මෙම හමුව සඳහා දිවයිනේ සියලු විශේෂඥ වෛදවරු කැඳවා ඇති අතර මේ සංවිධානය කරන්නේ සෞඛ්‍ය සේවා අධ්‍යක්‍ෂ ජෙනරාල් වෛද්‍ය පාලීත මහීපාල විසිනි.
පාලීත මහීපාල සෞඛ්‍ය සේවා අධ්‍යක්ෂකවරයා ලෙස ජනාධිපතිවරයා විසින්ම පත්කරනු ලැබූවකු වන අතර හිටපු සෞඛ්‍ය ඇමැතිවරයා වූ මෛත්‍රීපාල සිරිසේන මහතා ගේ නියෝගයන් නොතකා රාජපක්ෂවරුන්ට අනුව කටයුතු කළ අයෙකි.
ඩිසීඩී ප්‍රශ්නයේදී වෙළෙඳපොලෙන් ඉවත් කිරීමට නියෝග කර ඇති කිරිපිටි යළි වෙළඳ පොළට එක්වීම සම්බන්ධයෙන් හෙළිදරව් වූ කරුණු අතර පාලිත මහීපලගේ නමද ඊට ඇඳී තිබිණි. සෞඛ්‍ය අමාත්‍යංශ තොරතුරු මාර්ග පවසන්නේ මෙම විස කාරක කිරිපිටි විකුණන සමාගමකින් මාසිකව ලක්ෂ 7ක දීමනාවක් මොහුට ලැබෙන බවය.
