පසුගියදා ඔහුට විශාල මුදලක් ලබා දිමට පොරෝන්දු වූ ආරක්ෂක අංශ ප්‍රධානියකු ඔහු ලවා දෙමල ජාතික සන්ධානය හා මෛත්‍රීපාල සිරිසේන මහත අතර ගිවිසුමක් ඇතැයි පවසන ලෙස පසුගිය දින කිහිපයේදීම දැඩිව ඉල්ලා තිබේ. එහෙත් ඒ ප්‍රතික්ෂේප කිරීමට ඔහු කටයුතු කර ඇත. ඉන් පසුව එසේ නොකලහොත් මරා දමන බවටද තර්ජනය කර ඇත.
කෙසේ නමුත් ආරක්ෂක අංශවලින් එල්ල වූ තර්ජනය කිරීම සම්බන්දයෙන් ඔහු පක්ෂයද දැනුවත් කර තිබුණු නමුත් මේ වන විට ඔහු අතුරුදහන්ව ඇති බව දෙමළ ජාතික සන්ධානය පවසයි. මේ සම්බන්ධයෙන් පාර්ලිමේන්තු මන්ත්‍රී සුමන්තිරන් මහතා විදේශ මාධයයට ප්‍රකාශයක්ද මේ වන විට ලබා දී තිබේ. ඔහුට සිදු වූයේ කුමක්ද යන්න ගැන කිසිදු තොරතුරක් නැති බවත් ඔහු පවසයි.
මේ සම්බන්ධයෙන් එම පක්ෂය පවසන්නේ තම මන්ත්‍රීවරු ගනනාවකට මෙලෙස බලපැම් එල්ල වී තිබෙන බවය.
මේවන විටත් උතුරේත් දකුණේත් බහුතර ජනතාවක් මෛත්‍රීපාල සිරිසේන මහතා දිනවීම සඳහා පෙළ ගැසී ඇති විට ඒ වැලැක්වීම සඳහා රාජපක්ෂ රජය ඉතා නිවට හා නිර්ලජ්ජිත ලෙස කටයුතු කරමින් සිටින බව දෙමළ ජාතික සන්ධානය චෝදනා කරයි.
ඔවුන් විසින් මෛත්‍රිපාල සිරිසේන මහතාගේ හා සම්බන්ධන් මහතාගේ ව්‍යාජ අත්සන යෙදූ ලියවිල්ලක් නිර්මාණය කර ඔවුන් දෙදෙනා අතර උතුරේ දෙමළ ප්‍රශ්නයට අදාලව එකඟතාවයක් ඇති බව පවසා සිංහල ජනතාවගේ ඡන්දය මෛත්‍රීපාල මහතාට එරෙහිව ලබා ගැනීමේ අරමුණෙන් බව පැහැදිලිය.
මෙමඟින් ආරක්ෂක අමාත්‍යාංශය සූදානම් වන්නේ මේ බොරු පුවත් නිර්මාණය කර දකුනේ උග්‍ර සිංහල ජාතිවාදීන් කුල්මත් කරවීමට බවත් එහෙත් ඒ කිසිසේත්ම බහුතර සිංහල ජනතාව පිළිගන්නේ නැති බවත් එම පක්ෂය වැඩිදුරටත් පෙන්වා දෙයි.
