හෙට දින මෙම රැළිය පැවැත්වෙන බව ජනාධිපතිවරණ මෙහෙයුම් කමි‍ටුව විසින් ප්‍රසිද්ධ කර ඇතත් ඊයේ(04) රාත්‍රී 11.30 වන තුරුත් එම රැස්වීම් වේදීකාව තැනීම පරික්ෂා කිරීමට හෝ ඊට අදාල කිසිදු කටයුත්තකට වෙල්ගම මහතා සහබාගී වී නැත. මේ නිසා හෙට දිනයේ සූදානම් කර තිබු දවැන්ත රැලියට වෙල්ගමගේ සහභාගිත්වයත් අවිනිශ්චිත බව පෙනෙන්නට තිබේ.
මේ අතර අද දින අගලවත්ත බස් නැවතුම් පොළ හරස් කර දැවැන්ත රැළියක් පැවැත්වීමට කටයුතු සූදානම් කෙරුණද එය අගලවත්ත සංවිධායක, වැවිලි කර්මාන්ත ඇමැති මහින්ද සමරසිංහ මහතා කර හැරීම නිසා ඒ මුළුමනින්ම අසාර්ථක වී ඇත. මෙම රැස්වීම පැවැති කාලය පුරා තුන් සියයක පමණ පිරිසකට වඩා සහභාගී නොවූ අතර මේ වන තුරුත් පවතින සංගීත සැඳැව රස වීඳීමට 25 දෙනෙකු පමණ පිරිසක් සම්බන්ධ වී සිටින බව අගලවත්ත අපගේ වර්තාකරු පවසයි. සමරසිංහ මහතා අති දක්ෂ සංවිධායකයකු ලෙස පිළිගැනිමක් ඇති අයකු වන අතර ඔහුගේ දේශපාලන ජීවිතයේ අඩුම ජනසහභාගිත්වයක් වාර්තා වූ ජන රැළියද මෙය බව පැවැසේ.
කෙසේ නමුත් මම ඇමැතිවරුන් දෙදෙනාම විපක්ෂ පොදු අපෙක්ෂකයාට සහය දීමට සූදානමින් සිටින බව වාර්තා වී ඇත.
