ඊයේ පොළොන්නරුවේ පැවැත් අවසන් මහ රැළියේදීත් ඔහු තම පාලනය නීතිය බල්ලට ගිය දූෂිත පාලනයක් බව හෙළි කළේය.
එක අවස්ථාවක මෛත්‍රීපාල සිරිසේන මහතාගේ සහෝදරයන්ට ගැන පවසමින් ඔහු පැවැසුවේ එම සහෝදරයන් පසුගිය කාලයේ ප්‍රදෙශයේ මැරකම් කළ බවය. වංචා, දූෂණ කරණ බවය. ඉන්පසුව ඔහු කීවේ මෙම සහෝදරයන්ට ආයේත් මැරකම් කරන්න ඉඩ නොතබන බවත් මීට පස්සෙ ඒවට ලෑස්ති වෙන්න එපා මේ දෙන්නෙ අවසන් නිවේදනය බවත්ය.
ඉන් පැහැදි වන්නේ මහින්ද රාජපක්ෂ පාලන සමහයේදී ජනධිපතිවරයා මෙම සහෝදරයන්ට එරෙහිව නීතිය ක්‍රියාත්මක නොකළ බවය. රාජපක්ෂවරුන්ට සහය දෙන තාක්කල් කිසිවකිත් වැරදිකරුවන් නොවන බවය.
තවත් විටකදී 'මම සන්තෝෂ වෙනවා මේ වගේ අති විශාල දැවැන්ත රැලියකට පොළොන්නරුවේදී සහභාගි වෙන්න මට අවස්ථාව ලැබීම ගැන. මම පොළොන්නරුවට එන්න යන්න පටන් ගත්තෙ බොහොම කාලෙකට පෙර. ඒ ඉතිහාසය තුළ මෙවැනි දැවැන්ත රැලියක් දැක්කේ නැති බව මම බොහොම පැහැදිලිව කියන්න ඕන.'යනුවෙන් ඔහු පැවැසූවේ වේදීකවට ආසන්නයේ ලංගම බස් රථ 2000කට ආසන්න ප්‍රමාණයක් නවතා ඇති බව නොදැනය. රැලියට සෙනග ආවේ කෙසේදයි එම ජනතාවට රහසක් වූයේ නැත. ජනාධිපතිවරයා තමන්වත් අන්දනවා යැයි එම සන්ධාන පක්ෂිකයන්ට නොසිතුනේ නම් පුදුමයට කරුණකි.
එමෙන්ම මෙහිදී හිටපු හමුදාපති සරත් ෆොන්සේකාගේ නායකත්වයේ ගුණ ගැයීමටද ජනාධිපතිවරයා කටයුතු කිරීම සුවිශේෂී සිද්ධියකි.
අර ඉස්සෙල්ල පාර මගේ හමුදාපති දැම්මා. එයා මට ඇවිල්ල සැලියුට් කළා. යුනිෆෝම් එකෙන් ඇවිත්. විශ්‍රාම යන බව කිව්වා මම එතකොට "ඔබ ජනාධිපති ධුරයට තරග කරන්න බලාපොරොත්තු වෙනවද කියලා."
"සමහර විට මම තරග කරයි" කිව්ව. එතුමා මට කියලයි ගියේ. මම එතුමාට සුබපැතුවා. මෙයත් ඇවිල්ල කියල ගියානම් මම මෙයාට සුබපතල යවනවා. නමුත් ආත්ම ශක්තියක් නැහැ. නායකයෙක් වුණාම තමන්ට කියන්න තියනදේ කියන්න ශක්තියක් තියෙන්න ඕන. ඒ ආත්ම ශක්තිය නැති නිසා ඇතිවූ මේ තත්ත්වය ගැන අපිට කණගාටුයි.
කෙසේ නමුත් මේ වන විට ජනාධිපතිවරයා ආත්ම ශක්තියක් නැතැයි කියන මෛත්‍රීපාල සිරිසේන මහතා අද මහින්ද රාජපක්ෂට එරෙහිව පෙනී සිටින්නේ සරත් ෆොන්සේකාට වඩා බලවත් ලෙස බව ඔහුගේ සහයට සන්ධාන ආණ්ඩුවේ පාර්ලිමේන්තු මැති ඇමැතිවරුන්ම 27 දෙනෙකු තම සහයට එක්කර ගැනීමෙන් පැහැදිලි වේ.
