අද තරුණ පරපුර තාක්‍ෂණයත් සමග බද්ධව කටයුතු කරයි. ඔවුන්ට ගැලපෙන අනාගතයක් මෛත්‍රී පාලනයක් තුළ ඇති කිරීමට කටයුතු කරන බවත් රටේ නිදහස් අධ්‍යාපනයට වැයකළ හැකිව තිබු මුදල් දළදා මාළිගාව වටා රේස් පැදීමට වැය කළ බවත් ඔහු පැවැසීය.
ත්‍රෛනිකායක මහනායකවරුන් හිමිවරුන්ගේ ඉල්ලීම පවා මායිම නොකර දළදා පුරවරයේ කාර් රේස් පැදීමට මහින්ද රාජපක්‍ෂ මහතා අවස්ථාව ලබා දුන්නා. හමුදා සෙබළුන් කම්කරුවන් බවට පත්කරමින් රුපියල් කෝටි 30 ක මුදලක් වියදම් කර ඒ සඳහා වැලි කොට්ට දැම්මා.
ආණ්ඩු පක්‍ෂය අප වෙතට එල්ල කරන අසත්‍ය චෝදනාව නම් මෛත්‍රී පාලනයකින් රටේ ඒකීයභාවය නැතිවන බවයි. නමුත් මෛත්‍රී පාලනයක් තුලදී කිසිදු ආකාරයකින් එසේ සිදුවන්නේ නෑ. ද්‍රවිඩ ජාතික සංවිධානයත්, මුස්ලිම් කොංග්‍රසයත් කිසිදු ගිවිසුමක් නොමැතිව මෛත්‍රී පාලනය හා එක්ව තිබෙන්නේ රටේ ප්‍රජාතන්ත්‍රවාදය තහවුරු කිරීමටයි.
